مانسہرہ،ہزارہ یونیورسٹی کے وائس چانسلر کا ڈیپارٹمنٹ آف آرٹ اینڈ ڈیزائن کا دورہ

جمعہ 26 ستمبر 2025 17:10

مانسہرہ (اُردو پوائنٹ اخبارتازہ ترین - اے پی پی۔ 26 ستمبر2025ء) ہزارہ یونیورسٹی کے وائس چانسلر پروفیسر ڈاکٹر اکرام اللہ خان نے ڈیپارٹمنٹ آف آرٹ اینڈ ڈیزائن کا دورہ کیا۔انہوں نے ڈیپارٹمنٹ کے فیکلٹی ممبران سے ملاقات کی اور جاری تعلیمی پروگراموں سمیت دیگر امور پر تبادلہ خیال کیا۔ڈیپارٹمنٹ کی چیئرپرسن آسیہ شاہ نے وائس چانسلر کو بریفنگ دیتے ہوئے بتایا کہ آرٹ اینڈ ڈیزائن میں زیر تعلیم طلبہ کوبی ایس آرٹ اینڈ ڈیزائن اور بی ایس فائن آرٹس کے تحت ٹیکسٹائل ڈیزائن،انٹیرئر ڈیزائن،کمیونیکیشن ڈیزائن اور فوٹوگرافی کی معیار ی تعلیم و تجربہ سے آراستہ کیا جا رہا ہے اور اب تک اس شعبے سے تعلیم مکمل کرنے والے طلبہ پیشہ ورانہ شعبوں میں خدمات سر انجام دیتے ہوئے کامیاب شہری کے طور پر سامنے آئے ہیں۔

(جاری ہے)

وائس چانسلر نے ڈیپارٹمنٹ آف آرٹ اینڈ ڈیزائن کی کارکردگی کو سراہا اور طلبا کی تخلیقی سرگرمیوں کو اجاگر کرنے میں ڈیپارٹمنٹ کے کردار کی تعریف کی۔وائس چانسلر نے آرٹ اینڈ ڈیزائن کو جدید خطوط پر استوار کرنے،سہولیات کی فراہمی اور مزید پروگراموں کے اجراکی ضرورت پر زور دیتے ہوئے کہا کہ آرٹ اینڈ ڈیزائن یونیورسٹی کا اہم تعلیمی شعبہ ہے اور اس میں مزید بہتری سمیت جدید سہولیات کی فراہمی کے لئے ہر ممکن کوشش کی جائے گی۔

وائس چانسلر کو فیکلٹی اور طلبہ کی طرف سے فن پاروں پر مبنی آرٹ کا نمونہ بھی پیش کیا گیا۔اس موقع پر ڈین فیکلٹی آف آرٹس اینڈ ہیومنٹیز پروفیسر ڈاکٹر شاکر اللہ خان،پرو وائس چانسلر پروفیسر ڈاکٹر غلام مجتبیٰ شاہ اور اسسٹنٹ پروفیسر حاجرہ انورسمیت دیگر فیکلٹی ممبران بھی موجود تھے۔

Facebook Twitter Google + Share on Whatsapp

مانسہرہ،ہزارہ یونیورسٹی کے وائس چانسلر کا ڈیپارٹمنٹ آف آرٹ اینڈ ڈیزائن کا دورہ

متعلقہ عنوان :

مزید تعلیم کی خبریں