چین کی آبی منصوبوں کی تعمیر میں سرمایہ کاری تاریخ کی بلند ترین سطح 13.5کھرب یوآن سے تجاوز کر گئی

پیر 29 ستمبر 2025 10:30

بیجنگ (اُردو پوائنٹ اخبارتازہ ترین - اے پی پی۔ 29 ستمبر2025ء) چین کی آبی منصوبوں کی تعمیر میں سرمایہ کاری تاریخ کی بلند ترین سطح 13.5کھرب یوآن سے تجاوز کر گئی۔ سی جی ٹی این کے مطابق چین کی ریاستی کونسل کےدفتر اطلاعات کے زیر اہتمام پریس کانفرنس میں چین کے 14ویں پانچ سالہ منصوبہ کے دوران ملک میں آبی منصوبوں کی تعمیر میں حاصل کردہ کامیابیوں کو اجاگر کیا گیا۔

رپورٹ کے مطابق 2022 میں چین میں آبی منصوبوں کی تعمیر میں سرمایہ کاری پہلی بار ایک ٹریلین یوآن تک پہنچ گئی اور مسلسل تین سالوں سےنئے تاریخی ریکارڈ قائم کئے گئے۔ 2024 میں آبی منصوبوں کی تعمیر میں سرمایہ کاری کا حجم 13 کھرب 53 ارب یوآن تک جا پہنچا اور اندازے کے مطابق 14ویں پانچ سالہ منصوبہ کی مدت کے اختتام تک یہ سرمایہ کاری 54 کھرب یوآن سے تجاوز کر جائے گی جو کہ 13ویں پانچ سالہ منصوبہ کی مدت کے مقابلے میں 1.6 گنا زیادہ ہے۔

(جاری ہے)

14 ویں پانچ سالہ منصوبہ کے آغاز سےچین میں 172 بڑے آبی منصوبوں کی تعمیر شروع کی گئی ہے اور آبی بنیادی ڈھانچے کی ترتیب، ساخت، فنکشنز اور نظام کے انضمام کو تیزی سے بہتر بنایا گیا ہے۔ 2024 کے آخر تک چین میں 95,000 آبی ذخائر، 200 بڑے اور درمیانے درجے کے آبی منصوبے ، 6,924 بڑے اور درمیانے درجے کے آبپاشی کے علاقے اور 318,000 کلومیٹر کے فلڈ لیویز تعمیر ہو چکے ہیں ۔ رپورٹ میں مزید کہا گیا ہے کہ چین نے دنیا میں سب سے زیادہ آبادی کا احاطہ کرنے والا آبی انفراسٹرکچر سسٹم قائم کیا ہے۔