قراقرم یونیورسٹی شعبہ ایجوکیشنل دویلپمنٹ میں نیا داخلہ لینے والے طلباء کے لیے تعارفی سیشن کاانعقاد

پیر 29 ستمبر 2025 23:22

گلگت (اُردو پوائنٹ اخبارتازہ ترین - اے پی پی۔ 29 ستمبر2025ء) قراقرم انٹرنیشنل یونیورسٹی کے شعبہ ایجوکیشنل دویلپمنٹ میں نیا داخلہ لینے والے طلباء کے لیے تعارفی سیشن کا انعقادکیاگیا۔شعبہ تعلقات عامہ کے آئی یو کے مطابق تعارفی سیشن میں شعبہ کے اساتذہ سمیت طلبہ وطالبات کی کثیرتعداد نے شرکت کی۔

(جاری ہے)

تعارفی سیشن سے خطاب کرتے ہوئے شعبے کی ہیڈ ڈاکٹر زہراء جبین و دیگر فیکلٹی ممبران نے کہاکہ جامعہ قراقرم خطے میں اعلیٰ تعلیم اور تحقیق کو زیادہ سے زیادہ فروغ دے رہی ہے۔

انہوں نے کہاکہ اعلیٰ تعلیم حاصل کرکے نوجوان نسل کو اپنی صلاحیتوں کا عملی مظاہرہ کرنے کا موقع ملتاہے ،وہی پر ملک و قوم کی تعمیر وترقی میں حصہ ڈالنے کا بھی موقع میسر آتاہے،لہذاشعبہ ایجوکیشنل ڈویلپمنٹ میں داخلہ لینے والے طلبہ وطالبات تعلیم وتحقیق پر زیادہ سے زیادہ توجہ دیں۔تعارفی سیشن میں نیا داخلہ لینے والے طلباء کو سمسٹر رولز سمیت یونیورسٹی کے قواعد وضوابط سے متعلق بھی روشناس کرایا گیا۔

Facebook Twitter Google + Share on Whatsapp

قراقرم یونیورسٹی شعبہ ایجوکیشنل دویلپمنٹ میں نیا داخلہ لینے والے طلباء کے لیے تعارفی سیشن کاانعقاد

متعلقہ عنوان :

مزید تعلیم کی خبریں