سمندری سرگرمی کراچی سے تقریبا 440 کلومیٹر جنوب میں موجود ہے، محکمہ موسمیات

جمعرات 2 اکتوبر 2025 13:13

کراچی(اُردو پوائنٹ اخبارتازہ ترین - این این آئی۔ 02 اکتوبر2025ء) محکمہ موسمیات کراچی نے ممکنہ سمندری طوفان کے متعلق چوتھا الرٹ جاری کر دیا جس کے مطابق شمال مشرقی بحیرہ عرب پر ہوا کا کم دبائو موجود ہے۔شمال مشرقی بحیرہ عرب اور اس سے ملحقہ سوراشٹرا کے ساحل کے نزدیک موجود ہوا کا کم دبا مزید شدت اختیار کر گیا، گزشتہ 12 گھنٹوں کے دوران سسٹم سست روی سے جنوب مغرب کی جانب بڑھا۔

(جاری ہے)

سمندری سرگرمی کراچی سے تقریبا 440 کلومیٹر جنوب میں موجود ہے اور امکان ہے کہ دو روز کے دوران یہ نظام جنوب مغرب کی طرف شمال مغربی بحیرہ عرب کی طرف بڑھنے کا امکان ہے۔محکمہ موسمیات کے مطابق سندھ کے ساحل کے قریب 40 سے 50 کلو میٹر فی گھنٹہ کی رفتار سے ہوائوں کے ساتھ سمندری حالات خراب رہنے کا امکان ہے۔ سندھ کے ماہی گیروں کو ہدایت کی گئی ہے کہ وہ 3 اکتوبر تک گہرے سمندر میں نہ جائیں۔سسٹم کے ارد گرد 45 سے 55 کلو میٹر فی گھنٹہ کی رفتار سے چلنے والی ہوائیں 65 کلو میٹر فی گھنٹہ تک تجاوز کر سکتی ہیں جبکہ دو روز کے دوران وسطی و مغربی وسطی بحیرہ عرب میں سمندر میں تیزی اور تندی رہ سکتی ہے۔واضح رہے کہ سائیکلون وارننگ سینٹر، کراچی سسٹم کی نگرانی کر رہا ہے۔