نادرا نے وفات کے باعث شناختی کارڈ منسوخی کی فیس ختم کردی

چند ہفتوں میں پیدائش، شادی، طلاق اور وفات کے اندراج کی یہ سہولت پورے ملک میں دستیاب ہو گی، ترجمان

اتوار 5 اکتوبر 2025 19:05

کراچی(اُردو پوائنٹ اخبارتازہ ترین - این این آئی۔ 05 اکتوبر2025ء) نادرا نے وفات کے باعث شناختی کارڈ منسوخی کی فیس ختم کردی۔

(جاری ہے)

ترجمان نادرا کے مطابق وفات کے باعث شناختی کارڈ منسوخی کی فیس ختم کردی گئی ہے،پنجاب کی3 اضلاع میں موبائل ایپ سے صوبائی سی آرایم ایس میں وفات کے اندراج کا پائلٹ پراجیکٹ جاری کردیا گیا ہے،چند ہفتوں میں پیدائش،شادی،طلاق اوروفات کے اندراج کی یہ سہولت پورے ملک میں دستیاب ہو گی،ترجمان نے کہاصوبائی سول رجسٹریشن مینجمنٹ سسٹم کیساتھ ڈیٹا شیئرنگ مضبوط کی گئی،صوبائی سی آرایم ایس میں اندراج وفات کے بعد پاک آئی ڈی ایپ سے شناختی کارڈ منسوخ کرا سکتے ہیں، نادرا کے اقدامات سے ڈیٹا کی درستی میں بہتری اور جعلی اندراج میں نمایاں کمی ہوئی۔