Live Updates

بانی پی ٹی آئی نے بشری بی بی کی سفارش پر وزیراعلی کیلئے سہیل آفریدی کا نام دیا، طارق فضل

ہفتہ 11 اکتوبر 2025 23:05

اسلام آباد (اُردو پوائنٹ اخبارتازہ ترین - این این آئی۔ 11 اکتوبر2025ء) وفاقی وزیر پارلیمانی امور طارق فضل چوہدری نے کہاہے کہ سہیل آفریدی کو وزیراعلی خیبر پختونخوا بنانے کا فیصلہ بانی پی ٹی آئی نہیں بلکہ بشری بی بی کا ہے،بانی پی ٹی آئی نے اہلیہ کی سفارش پر وزیراعلی کیلئے سہیل آفریدی کا نام دیا،فیصلے کا صوبے میں بہتری سے کوئی تعلق نہیں۔

(جاری ہے)

نجی ٹی وی سے گفتگو کرتے ہوئے طارق فضل چوہدری نے کہا کہ تحریک انصاف کے ایم پی ایز ناخوش ہیں، بانی پی ٹی آئی تشدد ، ٹکرا اور انتشار کی سیاست کو فروغ دینا چاہتے ہیں، اِن کا ذہن ہے کہ پھر وفاق پر چڑھائی کریں گے لیکن آئندہ اسلام آباد پر کسی بھی یلغار کی کوشش ہوئی تو اسے سختی سے روکا جائیگا۔ خیبر پختونخوا میں حالات بہت خراب ہیں مگر گورنر راج کی باتیں ابھی قبل از وقت ہیں۔