چارسدہ تھانہ شبقدر پولیس کی کارروائی، اقدامِ قتل میں مطلوب مجرم اشتہاری سمیت 7 ملزمان گرفتار، اسلحہ اور آئس برآمد

جمعرات 16 اکتوبر 2025 21:40

پشاور (اُردو پوائنٹ اخبارتازہ ترین - اے پی پی۔ 16 اکتوبر2025ء) ڈسٹرکٹ پولیس آفیسر چارسدہ محمد وقاص خان کی ہدایت پر ضلع بھر میں جرائم پیشہ عناصر کے خلاف کارروائیاں جاری ہیں۔

(جاری ہے)

اس سلسلے میں ڈی ایس پی شبقدر ریاض خان کی قیادت میں ایس ایچ او تھانہ شبقدر بسم اللہ جان نے کامیاب کارروائی کرتے ہوئے اقدامِ قتل کے مقدمے میں مطلوب مجرم اشتہاری سمیت 7 ملزمان کو گرفتار کیا۔ پولیس ترجمان کے مطابق کارروائی کے دوران مجموعی طور پر 4494 گرام آئس، 2 پستول اور 30 عدد کارتوس برآمد کیے گئے۔ ملزمان کے خلاف مقدمات درج کر کے مزید تفتیش جاری ہے۔