اٹک، ایم این اے شیخ آفتاب احمد نے حلقہ این اے 49 میں سوئی گیس کم پریشر کا مسئلہ حل کرا دیا

ہفتہ 29 نومبر 2025 14:56

اٹک (اُردو پوائنٹ اخبارتازہ ترین - اے پی پی۔ 29 نومبر2025ء) ایم این اے شیخ آفتاب احمد نے حلقہ این اے 49 میں سوئی گیس کم پریشر کا مسئلہ حل کرا دیا۔رکن قومی اسمبلی ممبر سپریم جوڈیشل کمیشن شیخ آفتاب احمد نے عرصہ دراز سے حلقہ این اے 49 کی تحصیلوں حسن ابدال حضرو اور اٹک کے تین سو سے زائد دیہات میں سوئی گیس کی لوڈ شیڈنگ اور لو پریشر کے مسائل کے سلسلے میں شیخ آفتاب احمدنے منیجنگ ڈائریکٹر سوئی نادرن گیس پائپ لائن لمیٹڈ سے خصوصی طور پر اٹک میں نہ صرف لوڈ شیڈنگ کا خاتمہ بلکہ لو پریشر جس کے سبب شہری پریشان تھے کہ کا منصوبہ منظور کرایا ۔

ایم ڈی کی ہدایت پر سوئی گیس ریجنل آفس سے خصوصی عملہ جو مشینری لے کر آیا تھا انہوں نے مختلف مقامات پر لو پریشر کا مسئلہ حل کر دیا اور شیخ افتاب احمد کی خصوصی کاوشوں سے لوڈ شیڈنگ کا بھی اٹک میں خاتمہ کر دیا گیا ہے اب سوئی گیس صبح پانچ بجے سے رات 10 بجے تک تسلسل کے ساتھ فراہم ہوگیِ ۔

(جاری ہے)

سابق رکن پنجاب اسمبلی سردار افتخار احمد خان ،سابق چیئرمین بلدیہ شیخ شاہد محمود شاہدی ، سابق چیئرمین بلدیہ ناصر محمود شیخ ،ضلعی صدر مسلم لیگ (ن) محمد سلیم شہزاد، ضلعی سیکرٹری اطلاعات ڈاکٹر میاں راشد مشتاق، رہنما مسلم لیگ (ن )حضرو طلال اشرف بٹ ،تحصیل جنرل سیکرٹری مسلم لیگ (ن) حسن ابدال عابد شہزاد ملک، حسن ابدال حضر و اور اٹک کے مذہبی ،سیاسی ،سماجی ،تجارتی اور دیگر حلقوں نے شیخ آفتاب احمد کی جانب سے حلقہ این اے 49 کی تینوں تحصیلوں میں سوئی گیس کی لوڈ شیڈنگ کے خاتمہ اور لو پریشر کا مسئلہ حل کرانے پر انہیں خراج تحسین پیش کرتے ہوئے کہا ہے کہ شیخ آفتاب احمد نے ہمیشہ عوامی مسائل کے حل کے لیے مثبت کردار ادا کیا ہے۔

\378