{میامی‘ ٹیک ارب پتیوں کے چہروں والے روبوٹک کتوں نے ہلچل مچا دی

اتوار 7 دسمبر 2025 17:20

_میامی (اُردو پوائنٹ اخبارتازہ ترین - آن لائن۔ 07 دسمبر2025ء) ٹیک ارب پتیوں ایلون مسک، جیف بیزوس اور مارک زکربرگ کے روبوٹ آرٹ بیزل میامی میں توجہ کا مرکز بن گئے۔آرٹ بیزل میامی بیچ میں آنے والے وزیٹرز اس وقت حیرت زدہ رہ گئے جب بیپل نے اپنی نئی انسٹالیشن پیش کی، جو اس سے پہلے کبھی نہیں دیکھی گئی تھی۔

(جاری ہے)

آرٹسٹ کی نئی تخلیق ریگولر اینیملز میں اینیمیٹرونک یعنی روبوٹک کتے شامل تھے جنہوں نے ٹیک ارب پتیوں ایلون مسک، جیف بیزوس اور مارک زکربرگ کے چہرے جیسے حیران کن ماسک پہنے ہوئے تھے، یہ ماسک معروف ماسک آرٹسٹ لینڈن مائر نے تیار کیے تھے۔

روبوٹک کتے دورانِ نمائش مختلف جگہوں پر گھومتے ہیں، رک کر تصاویر لیتے ہیں اور پھر اسی شخص کے آرٹسٹک انداز یا شناخت سے میل کھاتا ہوا این ایف ٹی پرنٹ نکالتے ہیں، جس کا ماسک وہ پہنے ہوتے ہیں۔ زکربرگ والا روبوٹ میٹاورس سے ملتے جلتے امیجز بناتا ہے، جبکہ مسک کا روبوٹ بولڈ اور روبوٹک طرز کا آرٹ تخلیق کرتا ہے، البتہ بیزوس کا روبوٹ کوئی آرٹ نہیں بناتا، لیکن بیپل کے مطابق اس کا مقصد یہ دکھانا ہے کہ وہ کس طرح لوگوں کے دنیا کو دیکھنے کے انداز کو متاثر کرتا ہے۔