پنجاب کے بیشتر اضلاع میں30 دسمبر تا 2 جنوری بارش اور برفباری کا امکان ہے ، پی ڈی ایم اے

پیر 29 دسمبر 2025 14:47

لاہور (اُردو پوائنٹ اخبارتازہ ترین - اے پی پی۔ 29 دسمبر2025ء) محکمہ موسمیات نے پنجاب کے بیشتر اضلاع میں کل(30 دسمبر )سے2 جنوری کے دوران بارش اور برفباری کی پیشگوئی کی ہے۔

(جاری ہے)

ترجمان کے مطابق پنجاب کے پہاڑی علاقوں راولپنڈی، مری، گلیات، پوٹھوہار ریجن میں بارش اور برفباری کا امکان ہے جبکہ31 دسمبر سے یکم جنوری کے دوران لاہور، شیخوپورہ، سرگودھا، خوشاب، فیصل آباد ، حافظ آباد، گجرانوالہ، منڈی بہائوالدین، گجرات، سیالکوٹ، جھنگ اورٹوبہ ٹیک سنگھ میں بھی ہلکی بارش کا امکان ہے۔ ڈی جی پی ڈی ایم اے نے کہا ہے کہ بارشوں کے باعث دھند و سموگ کی صورتحال میں کمی واقع ہوگی، سموگ سے بچائو کےلئے شہری ماسک کا استعمال کریں اور غیر ضروری باہر نہ نکلیں ۔