کراچی ، سردی کی شدت میں اضافہ، درجہ حرارت میں نمایاں کمی ریکارڈ

ہفتہ 24 جنوری 2026 15:57

کراچی (اُردو پوائنٹ اخبارتازہ ترین - این این آئی۔ 24 جنوری2026ء) کراچی میں سردی کی شدت میں اضافہ ہوا ہے اور درجہ حرارت میں نمایاں کمی ریکارڈ کی گئی۔محکمہ موسمیات کے مطابق کراچی میں مجموعی طور پر کم سے کم درجہ حرارت 8.5 ڈگری سینٹی گریڈ رہا، یہ درجہ حرارت معمول سے 3.5 ڈگری کم ہے۔

(جاری ہے)

جناح ٹرمینل اور اطراف کے علاقے سب سے سرد رہے، جناح ٹرمینل پر کم سے کم درجہ حرارت 6.2 ڈگری سینٹی گریڈ تک رہا جبکہ بن قاسم میں درجہ حرارت 8.6 ڈگری سینٹی گریڈ ریکارڈ کیا گیا۔محکمہ موسمیات کے مطابق گلستان جوہر میں پارہ 8.7 ڈگری سینٹی گریڈ تک آ گیا، شارع فیصل اور ماڑی پور میں درجہ حرارت 9.5 ڈگری سینٹی گریڈ ریکارڈ کیا گیا۔