پی ڈی ایم اے پنجاب کا مزید بارشوں اور برفباری کے حوالے سے الرٹ جاری

26 سے 27جنوری کے دوران پنجاب کے بیشتر اضلاع میں بارشوں کا امکان، پی ڈی ایم اے

ہفتہ 24 جنوری 2026 21:59

لاہور(اُردو پوائنٹ اخبارتازہ ترین - این این آئی۔ 24 جنوری2026ء) پی ڈی ایم اے پنجاب نے صوبیمیں مزید بارشوں اور برفباری کے پیشِ نظر الرٹ جاری کردیا ہے،پی ڈی ایم اے کے مطابق 26سے 27 جنوری کے دوران پنجاب کے بیشتر اضلاع میں بارشوں کا امکان ہے۔

(جاری ہے)

الرٹ کے مطابق مری،گلیات اوردیگر پہاڑی علاقوں میں برفباری کیساتھ شدید بارش متوقع ہے،جس کے باعث سردی کی شدت میں مزید اضافہ ہوسکتا ہے،لاہور،سرگودھا،گجرانوالہ،ملتان،فیصل آباد،ڈیرہ غازی خان اور بہاولپور ڈویژن میں بھی بارش ہونے کا امکان ہے۔

ترجمان پی ڈی ایم اے کیمطابق ضلعی انتظامیہ اورمتعلقہ اداروں کوالرٹ رہنیاورممکنہ ہنگامی صورتحال سے نمٹنے کے لیے پیشگی انتظامات مکمل رکھنے کی ہدایت جاری کردی گئی،عوام کو بھی محتاط رہنے اور غیر ضروری سفر سے گریز کرنے کا مشورہ دیا گیا ہے۔