پروفیسر ڈاکٹرعبد الرزاق کو قراقرم انٹرنیشنل یونیورسٹی کے فیکلٹی آف لائف سائنسز کا ڈین مقرر کر دیا گیا

پیر 9 فروری 2026 19:37

گلگت(اُردو پوائنٹ اخبارتازہ ترین - آن لائن۔ 09 فروری2026ء) قراقرم انٹرنیشنل یونیورسٹی نے سینئر ماہر تعلیم اور کوالٹی انہانسمنٹ سیل کے ڈائریکٹر پروفیسر ڈاکٹر عبد الرزاق کو فیکلٹی آف لائف سائنسز کا ڈین مقرر کر دیا ۔شعبہ تعلقات عامہ کے آئی یو کے مطابق رجسٹرار آفس کی جانب سے جاری نوٹیفکیشن نمبر KIU-Senate-1(26)/2025/70674 میں کہاگیاہے کہ یہ تقرری فوری طور پر نافذ العمل ہو کر تین سالہ مدت کے لیے کی گئی ہے۔

(جاری ہے)

تقرری کی منظوری کے آئی یو سینٹ کی 26ویں میٹنگ میں دی گئی تھی جو یونیورسٹی آرڈر 2008 کے کلاز 17، سب کلاز 2(d) کے تحت منظور کی گئی۔وائس چانسلر کے آئی یو پروفیسر ڈاکٹرعطاء اللہ شاہ نے کہاکہ نومنتخب ڈین لائف سائنسز یونیورسٹی کوالٹی اینہانسمنٹ سیل کے ڈائریکٹر کے طور پر یونیورسٹی کے تعلیمی معیار اور کوالٹی اشورینس کے عمل کو بہتر بنانے میں کلیدی کردار ادا کررہے ہیں۔امید ہے کہ ان کی یہ تقرری معیاری تعلیم کو فروغ دینے اور تحقیقی سرگرمیوں کو بڑھانے میں مددگار ثابت ہوگی۔وائس چانسلر اور یونیورسٹی کے انتظامی وتدریسی اسٹاف نے نئی تقرری پر ڈاکٹر عبدالرزاق کو مبارک باد بھی پیش کی۔

Facebook Twitter Google + Share on Whatsapp

پروفیسر ڈاکٹرعبد الرزاق کو قراقرم انٹرنیشنل یونیورسٹی کے فیکلٹی آف لائف سائنسز کا ڈین مقرر کر دیا گیا

متعلقہ عنوان :

مزید تعلیم کی خبریں