سرکاری اسکولوں میں اساتذہ کیلئے بلیک گاؤن لازمی قراردیدیا گیا

جمعہ 20 فروری 2026 22:37

لاہور(اُردو پوائنٹ اخبارتازہ ترین - آن لائن۔ 20 فروری2026ء) محکمہ سکول ایجوکیشن نے صوبے بھر کے تمام سرکاری اسکولوں میں اساتذہ کے لیے پروفیشنل ڈریس کوڈ کو لازمی قرار دیا ہے، جس کا اطلاق 23 فروری 2026 سے ہوگا۔نئے قواعد کے تحت تمام مرد و خواتین اساتذہ کو دوران ڈیوٹی بلیک گاؤن پہننا لازمی ہوگا تاکہ تعلیمی اداروں میں پیشہ ورانہ، یکساں اور باوقار ماحول کو فروغ دیا جا سکے۔

(جاری ہے)

ہدایت میں واضح کیا گیا ہے کہ بلیک گاؤن کے بغیر کوئی ٹیچر کلاس نہیں لے سکے گا اور نہ ہی ڈیوٹی انجام دے سکے گا۔محکمہ سکول ایجوکیشن کی طرف سے تمام ضلعی چیف ایگزیکٹو آفیسرز (CEOs) اور سکول سربراہان کو ہدایات جاری کی گئی ہیں کہ وہ روزانہ کی بنیاد پر ڈریس کوڈ پر عملدرآمد کو یقینی بنائیں۔اس اقدام کا مقصد سرکاری اسکولوں میں نظم و ضبط قائم کرنا، اساتذہ کی مستند پیشہ ورانہ شناخت کو فروغ دینا اور ایک جیسی شناخت کو یقینی بنانا ہے۔ حکام کے مطابق یہ قدم محکمہ تعلیم کی بہتر کارکردگی اور اساتذہ کے پیشہ ورانہ معیار کو برقرار رکھنے کی کوشش کے طور پر لیا گیا ہے۔

Facebook Twitter Google + Share on Whatsapp

سرکاری اسکولوں میں اساتذہ کیلئے بلیک گاؤن لازمی قراردیدیا گیا

متعلقہ عنوان :

مزید تعلیم کی خبریں