یونیورسٹی آف ایجوکیشن کاسنڈیکیٹ اجلاس ، اہم سٹریٹجک و انتظامی فیصلوں کی منظوری

بدھ 18 مارچ 2026 15:41

لاہور (اُردو پوائنٹ اخبارتازہ ترین - اے پی پی۔ 18 مارچ2026ء) یونیورسٹی آف ایجوکیشن کا 77واں سنڈیکیٹ اجلاس منعقد ہوا جس میں ادارے کی ترقی، موثر حکمرانی اور تعلیمی جدت کے فروغ کے لیے اہم فیصلے کیے گئے۔ ترجمان کے مطابق اجلاس کے دوران400 سے زائد ملازمین کو ٹائم سکیل پرسنل اپ گریڈیشن دینے کی منظوری دی گئی، جو یونیورسٹی کی جانب سے ملازمین کی فلاح و بہبود اور پیشہ ورانہ ترقی کے عزم کی عکاسی کرتا ہے۔

سنڈیکیٹ نے5 کیمپس پرنسپلز اور مختلف شعبوں کے لیے4 ڈائریکٹرز کی تقرری کی منظوری دی، جبکہ سلیکشن بورڈ اور سلیکشن کمیٹی کے اراکین کی نامزدگی بھی منظور کی گئی تاکہ تقرریوں میں شفافیت اور میرٹ کو یقینی بنایا جا سکے۔ اجلاس میں اکیڈمک کونسل کی تقرریاں حتمی شکل دی گئیں، جس سے تعلیمی نظم و نسق مزید مضبوط ہوگا۔

(جاری ہے)

اس کے علاوہ جدید تقاضوں سے ہم آہنگ نئے تعلیمی پروگرامز کے اجرا کی بھی منظوری دی گئی۔

بین الاقوامی روابط کے فروغ کے لیے آفس آف انٹرنیشنل افیئرز کے قیام کی منظوری دی گئی، جبکہ مختلف اداروں کے ساتھ مفاہمتی یادداشتوں کی توثیق کی گئی تاکہ تعلیمی و تحقیقی تعاون کو فروغ دیا جا سکے۔اجلاس میں سنٹر فار لائف لانگ لرننگ اینڈ لیڈرشپ کے قیام کی بھی منظوری دی گئی، جس کا مقصد پیشہ ورانہ ترقی اور قائدانہ صلاحیتوں کو فروغ دینا ہے۔

مزید برآں، یونیورسٹی کے سٹریٹجک پلان کی منظوری دی گئی، جو مستقبل کی ترقی کے لیے ایک جامع لائحہ عمل فراہم کرتا ہے۔وائس چانسلر پروفیسر ڈاکٹر عاکف انور چوہدری نے کہا کہ یہ فیصلے تعلیمی معیار، ادارہ جاتی ترقی اور عالمی روابط کے فروغ کے لیے ہمارے پختہ عزم کی عکاسی کرتے ہیں، ہم اپنے انسانی وسائل میں سرمایہ کاری، تعلیمی مواقع کی توسیع اور بین الاقوامی تعاون کو مضبوط بنا کر ایک مستقبل دوست جامعہ کی تشکیل کر رہے ہیں جو معاشرتی ضروریات کو پورا کرے گی۔ انہوں نے کہا کہ یہ تمام اقدامات یونیورسٹی آف ایجوکیشن کو تعلیمی معیار، جدت اور عالمی روابط کے میدان میں مزید مضبوط بنانے کی جانب اہم پیش رفت ہیں۔

Facebook Twitter Google + Share on Whatsapp

یونیورسٹی آف ایجوکیشن کاسنڈیکیٹ اجلاس ، اہم سٹریٹجک و انتظامی فیصلوں کی منظوری

متعلقہ عنوان :

مزید تعلیم کی خبریں