آئندہ چوبیس گھنٹوں کے دوران پنجاب کے بیشتر علاقوں میں مو سم خشک رہنے کا امکان ہے، محکمہ موسمیات

جمعرات 26 مارچ 2026 23:12

لاہور (اُردو پوائنٹ اخبارتازہ ترین - اے پی پی۔ 26 مارچ2026ء) محکمہ موسمیات کے مطابق آئندہ چوبیس گھنٹوں کے دوران پنجاب کے بیشتر علاقوں میں مو سم خشک رہنے کا امکان ہے تا ہم مری، گلیات اور گرد و نواح میں جزوی طور پر ابر آلود موسم متوقع ہے ۔

(جاری ہے)

ترجمان محکمہ موسمیات کے مطابق گزشتہ چوبیس گھنٹوں کے دوران راولپنڈی، مری، گلیات، اٹک، چکوال، جہلم، گجرات، منڈی بہائوالدین، لاہور، شیخوپورہ، قصور، سرگودھا، خوشاب، ڈیرہ غازی خان، راجن پور، ملتان اور گرد و نواح میں جزوی طور پر ابر آلود موسم کے ساتھ تیز ہوائوں اور گرج چمک کے ساتھ بارش جبکہ چند مقامات پر ژالہ با ری بھی ہو ئی۔

گزشتہ روز شہر کا کم سے کم درجہ حرارت 18اور زیادہ سے زیادہ29سینٹی گریڈرہا جبکہ ہوا میں نمی کی شرح 29فیصدریکارڈ کی گئی ۔اسی طرح لا ہور میں آلودگی کی مجموعی شرح 69فیصد رہی جبکہ شہر کے مختلف علاقوں میں ایئر کوالٹی انڈیکس بیدیاں روڈ پر 82، برکی روڈ149،عسکری ٹین49، علامہ اقبال ٹائون 96،ڈی ایچ اے فیز فائیو 62اورسی ای آر پی آفس میں 71ایئر کوالٹی انڈیکس ریکارڈ کیا گیا۔