گلوکارہ ظل ہما کی برسی (پرسوں)منائی جائے گی

جمعرات 14 مئی 2026 13:00

اسلام آباد(اُردو پوائنٹ اخبارتازہ ترین - این این آئی۔ 14 مئی2026ء) گلوکارہ ظل ہما کی بارہویں برسی(پرسوں)ہفتہ 16مئی کو منائی جائے گی ۔ ظل ہما اپنی ماں ملکہ ترنم نور جہاں کا عکس اورفنی وارث کہلائیں ، بلا شبہ ان کو دیکھنے والوں کو ان کو دیکھتے ہی بے اختیار ملکہ ترنم یاد آجاتی تھیں۔ظلم ہما ملکہ ترنم نور جہاں کی سب سے لاڈلی بیٹی تھیں وہ 21فروری 1944کو لاہور میں پیدا ہوئیں۔

ظل ہما کی کم سنی میں ہی ان کے والد شوکت حسین رضوی اور والدہ کے درمیان علیحدگی ہو گئی۔

(جاری ہے)

ملکہ ترنم ننھی ظل ہما کو اپنے پاس رکھنے کے لئے شاہ نور سٹوڈیوز کی ملکیت سے بھی دستبردار ہو گئیں۔ظل ہما کی شادی لاہور کے ایک معروف خاندان میں عقیل بٹ سے ہوئی۔ ان کے ہاں چار بیٹے پیدا ہوئے لیکن بدقسمتی سے ان کی شادی ناکام رہی ۔ظل ہما کو گائیکی کا شوق تو بچپن سے ہی تھا، لیکن والدہ نے کم عمری میں گانے کی اجازت نہ دی۔ ظل ہما نے اپنا یہ شوق 1990میں پورا کیا اوراستاد غلام محمد کی شاگردی اختیار کی ۔ شوگر اور گردوں کی بیماری سے ظل ہما 16 مئی 2014کو اس جہان فانی سے کوچ کرگئیں۔

Facebook Twitter Google + Share on Whatsapp

گلوکارہ ظل ہما کی برسی (پرسوں)منائی جائے گی

متعلقہ عنوان :

مزید فن و فنکار کی خبریں