ورلڈ کپ 2027ء تبھی کھیلوں گا اگر ٹیم کو کوئی فائدہ پہنچا سکوں : ویرات کوہلی

میں اپنے کھیل میں ایماندار ہوں، اپنا سر نیچے رکھا، محنت کرتا ہوں اور خدا کا بہت شکر گزار ہوں کہ اس نے مجھے کرکٹ کیرئیر میں ایسا مقام دیا : سابق بھارتی کپتان

ذیشان مہتاب ہفتہ 16 مئی 2026 14:55

ورلڈ کپ 2027ء تبھی کھیلوں گا اگر ٹیم کو کوئی فائدہ پہنچا سکوں : ویرات کوہلی

نئی دہلی (اردو پوائنٹ تازہ ترین اخبار ۔ 16 مئی 2026ء ) بھارتی کرکٹ ٹیم کے سابق کپتان ویرات کوہلی نے آخر کار بین الاقوامی کرکٹ میں اپنے مستقبل اور 2027ء ون ڈے ورلڈ کپ کھیلنے کے بارے میں خاموشی توڑ دی۔

37 سالہ کرکٹر نے ایک انٹرویو میں کہا 'میرا نقطہ نظر بہت واضح ہے، اگر مجھے لگے لگا کہ میری وجہ سے کچھ بہتر ہوسکتا ہے یا میں کچھ اچھا کرسکتا ہوں تو میں لازمی ورلڈکپ میں نظر آؤں گا، لیکن اگر مجھے محسوس ہوا کہ مجھے اپنی ویلیو دکھانی پڑے گی یا خود کو ثابت کرنا پڑے گا، پھر یہ مشکل ہوگا'۔

(جاری ہے)

ویرات کوہلی نے کہا 'میں اپنے کھیل میں ایماندار ہوں، میں نے اپنا سر نیچے رکھا، میں محنت کرتا ہوں اور خدا کا بہت شکر گزار ہوں کہ اس نے مجھے کرکٹ کیرئیر میں ایسا مقام دیا'۔

انہوں نے کہا 'اگر آپ چاہتے ہیں کہ میں ون ڈے میچ میں 40 اوورز کے لیے باؤنڈری سے باؤنڈری رن کروں؟ میں یہ بغیر کسی شکایت کے کروں گا، مجھ سے متعدد بار سوال کیا گیا کہ کیا میں 2027ء کا ورلڈکپ کھیلوں گا؟'

بھارتی کرکٹر نے کہا 'کوئی اپنا گھر یا اپنا جنون کیسے چھوڑ سکتا ہے؟ بھارت کے لیے ورلڈکپ کھیلنا میرے لیے ہمیشہ اعزاز رہا ہے، میں کرکٹ کھیلنا چاہتا ہوں'۔