eشہر میں گیس بحران، دوپہر کے اوقات میں سپلائی متاثر

ج*دو گھنٹے گیس معطلی اور کم پریشر سے شہریوں کو کھانا پکانے میں مشکلات

پیر 18 مئی 2026 20:05

&لاہور(اُردو پوائنٹ اخبارتازہ ترین - آن لائن۔ 18 مئی2026ء) شہر میں ایک بار پھر گیس بحران کے خدشات بڑھنے لگے ہیں جبکہ سوئی ناردرن گیس کمپنی کی جانب سے دوپہر کے اوقات میں گیس فراہمی معطل کیے جانے کی اطلاعات سامنے آئی ہیں۔ذرائع کے مطابق صارفین کو دوپہر کے وقت کھانا پکانے کے لیے تقریباً دو گھنٹے تک گیس دستیاب نہیں ہوگی۔ گیس کی قلت کے باعث دوپہر کے اوقات میں پریشر انتہائی کم کر دیا گیا ہے جس سے گھریلو صارفین کو شدید مشکلات کا سامنا کرنا پڑ رہا ہے۔

(جاری ہے)

کمپنی کی جانب سے ناشتہ اور شام کے اوقات میں نسبتاً بہتر پریشر کے ساتھ گیس فراہم کی جا رہی ہے، تاہم دن کے اوقات میں پریشر کم ہونے سے شہریوں کو کھانا پکانے میں دشواری پیش آ رہی ہے۔شہریوں کا کہنا ہے کہ گیس پریشر ڈاؤن ہونے کے باعث وہ ایل پی جی سلنڈر استعمال کرنے پر مجبور ہیں، جس سے گھریلو اخراجات میں اضافہ ہو رہا ہے۔صارفین نے متعلقہ حکام سے مطالبہ کیا ہے کہ گیس کی بلا تعطل اور مناسب پریشر کے ساتھ فراہمی یقینی بنائی جائے تاکہ روزمرہ معمولات متاثر نہ ہوں