یوسی بھیڑی حلقہ کوٹلہ مظفرآباد میں ایک بڑا تعلیمی پیکیج دے کر سردار جاوید ایوب نے عوام کے دل جیت لئے

جمعرات 21 مئی 2026 23:24

مظفرآباد (اُردو پوائنٹ اخبارتازہ ترین - آن لائن۔ 21 مئی2026ء) یو سی بھیڑی حلقہ کوٹلہ مظفرآباد میں ایک بڑا تعلیمی پیکیج دے کر سردار جاوید ایوب نے عوام کے دل جیت لئے ہیں۔اتنابڑا پیکج آزادی کے بعد کسی نے دیا ہے۔انہوں نے 8تعلیمی ادارے آپ گریڈ کرتے ہوئے ایک تاریخی کارنامہ انجام دیا ہے۔

(جاری ہے)

ان خیالات کا اظہار سابق پریس سیکرٹری سکول ٹیچرز آرگنائزیشن معروف سماجی رہنما مظفر حسین مہناس نے میڈیا نمائندوں سے گفتگو کرتے ہوئے کیا انہوں نے کہاکہ سابق پی پی کی حکومت نے تین ادارے آپ گریڈ کئے تھے۔

جو ن لیگ کے عدالت میں جانے کی وجہ سے ختم ہو گئے تھے۔سردار جاوید ایوب کی علم دوستی کو سراہاتے ہوئے انہیں دل کی اتھاہ گہرائیوں سے مبارکباد پیش کرتے ہیں۔اور ان کا بے حد شکریہ ادا کرتے ہیں۔