ایڈیشنل کمشنر کوآرڈینیشن نے بورڈ آف انٹرمیڈیٹ اینڈ سیکنڈری ایجوکیشن ساہیوال کے دفتر کا دورہ کیا

جمعرات 11 جون 2026 14:24

چیچہ وطنی (اُردو پوائنٹ اخبارتازہ ترین - اے پی پی۔ 11 جون2026ء) کمشنر ساہیوال ڈویژن ڈاکٹر آصف طفیل کی خصوصی ہدایت پر ایڈیشنل کمشنر کوآرڈینیشن ڈاکٹر سیف اللہ بھٹی نے بورڈ آف انٹرمیڈیٹ اینڈ سیکنڈری ایجوکیشن ساہیوال کے دفتر کا دورہ کیا۔ اس موقع پر انہوں نے بورڈ آفس میں قائم ون ونڈو سیل، فسیلیٹیشن سنٹر اور دیگر مختلف شعبہ جات کا معائنہ کیا اور طلبہ و طالبات کو فراہم کی جانے والی سہولیات کا تفصیلی جائزہ لیا۔

(جاری ہے)

دورے کے دوران ایڈیشنل کمشنر نے بورڈ آفس میں نئی قائم کی جانے والی بینک برانچ کا بھی معائنہ کیا اور اس اقدام کو طلبہ اور عوام کی سہولت کے لیے اہم قرار دیا۔ کنٹرولر امتحانات ڈاکٹر رانا نوید عظمت بھی اس موقع پر ان کے ہمراہ موجود تھے۔ انہوں نے بورڈ انتظامیہ کی جانب سے فراہم کی جانے والی سہولیات، جاری اصلاحاتی اقدامات اور طلبہ کے مسائل کے فوری حل کے لیے کیے گئے انتظامات کے بارے میں تفصیلی بریفنگ دی۔ ڈاکٹر سیف اللہ بھٹی نے بورڈ انتظامیہ کی کارکردگی کو سراہتے ہوئے ہدایت کی کہ طلبہ و طالبات کو بہترین اور بروقت سہولیات کی فراہمی کو یقینی بنایا جائے تاکہ تعلیمی خدمات کے معیار میں مزید بہتری لائی جا سکے۔

Facebook Twitter Google + Share on Whatsapp

ایڈیشنل کمشنر کوآرڈینیشن نے بورڈ آف انٹرمیڈیٹ اینڈ سیکنڈری ایجوکیشن ساہیوال کے دفتر کا دورہ کیا

متعلقہ عنوان :

مزید تعلیم کی خبریں