پشاور، شہر اور گردونواح میں کم وولٹیج اور غیر اعلانیہ لوڈشیڈنگ جاری

نواحی علاقوں میں لوڈشیڈنگ کا دورانیہ 12 سے 14 گھنٹے تک پہنچ گیا

جمعرات 11 جون 2026 20:50

پشاور(اُردو پوائنٹ اخبارتازہ ترین - این این آئی۔ 11 جون2026ء) پشاور اور گردونواح میں شدید گرمی کے ساتھ ہی کم وولٹیج اور غیر اعلانیہ لوڈشیڈنگ کا سلسلہ جاری ہے، نواحی علاقوں میں بجلی کی بندش کا دورانیہ 12 سے 14 گھنٹے تک پہنچ گیا۔پشاور کے شہری علاقوں سمیت مضافات میں غیر اعلانیہ لوڈشیڈنگ نے شہریوں کا جینا محال کر دیا ہے۔

(جاری ہے)

پشتخرہ، ماشوخیل، ماشوگگر اور سلیمان خیل میں بارہ سے چودہ گھنٹے تک بجلی غائب رہنے لگی ہے، جبکہ بڈھ بیر، حسن خیل، چمکنی اور شاہ پور میں بھی بارہ گھنٹے کی لوڈشیڈنگ جاری ہے، اسی طرح شاہ عالم، اصحاب بابا، متھرا اور ریگی کے علاقوں میں شہریوں کو دس سے بارہ گھنٹے ،حیات آباد، اندرونِ شہر، گلبرگ اور گلبہار جیسے پوش علاقوں میں بھی 4سے 6گھنٹے لوڈشیڈنگ کی جا رہی ہے، دوسری جانب پیسکو حکام کا مؤقف ہے کہ معمول کے مطابق صرف ان فیڈرز پر لوڈ مینجمنٹ کی جا رہی ہے جہاں لائن لاسز زیادہ ہیں۔