بحر ہند میں 5.3 ملین سال پرانا وہیل مچھلیوں کا قبرستان دریافت

جمعہ 12 جون 2026 16:50

بیجنگ(اُردو پوائنٹ اخبارتازہ ترین - این این آئی۔ 12 جون2026ء) سائنسدانوں نے بحر ہند میں 5.3 ملین سال پرانا وہیل مچھلیوں کا قبرستان دریافت کر لیا ہے ، جسے وہیل نیکرو پولس کا نام دیا گیا ہے۔ میڈیا رپورٹ کے مطابق یہ دریافت جنوب مشرقی بحر ہند کے ڈائمنٹینا زون میں کی گئی، جہاں گہرائی تقریبا 7 ہزار میٹر تک ہے۔

(جاری ہے)

اس مقام پر نہ صرف قدیم فوسلز موجود ہیں بلکہ فعال وہیل فال (وہ جگہیں جہاں مردہ وہیل گرتی ہیں اور ایک نیا ماحولیاتی نظام بنتا ہی) بھی پائے گئے ہیں، جو کم از کم 5.3 ملین سال سے تشکیل پا رہے ہیں۔

یہ تحقیق چینی اکیڈمی آف سائنسز کے انسٹی ٹیوٹ آف ڈیپ سی سائنس اینڈ انجینئرنگ (آئی ڈی ایس ایس ای)، اٹلی کی یونیورسٹی آف پیزا اور نیوزی لینڈ کے ارتھ سائنسز ادارے کے اشتراک سے کی گئی ہے، اور اسے معروف سائنسی جریدے نیچر میں شائع کیا گیا ہے۔