ٴْاین اے 25 کوئٹہ کراچی قومی شاہراہ کو دو رویہ (ڈبل روڈ) بنانے کے لیے اربوں روپے کی منظوری

ہفتہ 20 جون 2026 22:36

خضدار (اُردو پوائنٹ اخبارتازہ ترین - آن لائن۔ 20 جون2026ء) این اے 25 کوئٹہ کراچی قومی شاہراہ کو دو رویہ (ڈبل روڈ) بنانے کے لیے اربوں روپے کی منظوری دی جا چکی ہے، تاہم اس منصوبے پر وڈھ بیلہ کام کرنے والے مزدور گزشتہ تین ماہ سے اپنی تنخواہوں سے محروم ہیں۔ ایک مزدور نے فون پر بتایا کہ انہیں گزشتہ تین ماہ سے تنخواہیں ادا نہیں کی گئیں۔ ان کا کہنا تھا کہ خضدار سے نمی چیک پوسٹ تک کام کرنے والے متعدد مزدوروں کو ان کی محنت کا معاوضہ نہیں مل رہا۔

جبکہ نمی چیک پوسٹ سے حب تک کام کرنے والے مزدوروں کی جانب سے ایسی شکایات موصول نہیں ہوئیں۔مزدوروں کے مطابق اس علاقے میں بعض ٹھیکیدار اپنی مرضی چلاتے ہیں اور بروقت تنخواہیں ادا نہیں کرتے۔ جب مزدور اپنی اجرت کا مطالبہ کرتے ہیں تو انہیں دھمکیوں کا سامنا کرنا پڑتا ہے۔

(جاری ہے)

واضح رہے کہ گزشتہ شپ بھی ایک ٹھیکیدار کے نامناسب رویے اور بروقت تنخواہیں ادا نہ کرنے کے خلاف مزدوروں نے سمالانی کنسٹرکشن کمپنی کے ٹھیکیدار کے خلاف کاکاہیر کے مقام پر کوئٹہ۔

کراچی شاہراہ کو بلاک کرکے شدید احتجاج کیا تھا۔ڈی ایس پی اور ضلعی انتظامیہ دیگر حکام نے مظاہرین سے مذاکرات کیے، جس کے بعد شاہراہ کو ٹریفک کے لیے بحال کر دیا گیا ۔ مزدوروں نے متعلقہ حکام سے مطالبہ کیا ہے کہ ان کی بقایا تنخواہیں فوری طور پر ادا کی جائیں اور مزدوروں کے ساتھ ہونے والی ناانصافیوں کا نوٹس لیا جائے۔