بلند پہاڑی علاقوں میں درجہ حرارت بڑھنے سے گلیشئرز پگھلنے لگے

بدھ 1 جولائی 2026 21:58

اسلام آباد (اُردو پوائنٹ اخبارتازہ ترین - این این آئی۔ 01 جولائی2026ء) بلند پہاڑی علاقوں میں درجہ حرارت بڑھنے سے گلیشئرز پگھلنے لگے،گلیشئیرز پگھلنے سے ملکی دریاؤں اور آبی ذخائر میں پانی کی سطح میں بتدریج بہتری آئی ہے ،تربیلا کے مقام پر دریائے سندھ میں پانی کی 2 لاکھ 26 ہزار 500 کیوسک آمد ریکارڈ کی گئی ،تربیلا کے مقام سے دریائے سندھ میں پانی کا اخراج ایک لاکھ 50 ہزار 300 کیوسک ریکارڈ کیا گیا ۔

حکام کے مطابق منگلا کے مقام پر دریائے جہلم میں پانی کی آمد 37 ہزار 600 کیوسک ہے،منگلا کے مقام سے دریائے جہلم میں پانی کا خراج 38 ہزار 700 کیوسک ہے۔ حکام کے مطابق چشمہ بیراج میں پانی کی آمد 2 لاکھ 5 ہزار کیوسک اور اخراج 2 لاکھ 3 ہزار کیوسک ریکارڈ کی گئی ۔ہیڈ مرالہ کے مقام پر دریائے چناب میں پانی کی آمد 63 ہزار 700 کیوسک ریکارڈ کی گئی ۔

(جاری ہے)

حکام کے مطابق ہیڈ مرالہ سے چناب میں پانی کا اخراج 36 ہزار 900 کیوسک ہے۔

حکام کے مطابق نوشہرہ کے مقام پر دریائے کابل میں پانی کی آمد اور اخراج 48 ہزار کیوسک ریکارڈ کی گئی ،تین بڑے آبی ذخائر میں قابل استعمال پانی کا مجموعی ذخیرہ 34 لاکھ 3 ہزار ایکڑ فٹ ریکارڈ کیا گیا ۔حکام کے مطابق تربیلا ڈیم میں آج پانی کی سطح 1453.07 فٹ،ذخیرہ 11 لاکھ 11 ہزار ایکڑ فٹ ہے،منگلا ریزروائر میں آج پانی کی سطح 1162.85 فٹ،ذخیرہ 22 لاکھ 43 ہزار ایکڑ فٹ ہے۔حکام کے مطابق چشمہ ریزروائر میں پانی کی سطح 641.30 فٹ،ذخیرہ 49 ہزار ایکڑ فٹ ہے،ملکی دریاؤں اور آبی ذخائر میں میں پانی کی سطح میں بتدریج بہتری کا امکان ہے ۔ حکام کے مطابق ممکنہ مون سون بارشوں سے پانی کی آمد اخراج اور زخائر بتدریج بڑھیں گے۔