Live Updates

پیٹرول و ڈیزل کی فروخت میں7 فیصد اضافہ ریکارڈ

جون میں آئل مارکیٹنگ کمپنیوں کی مجموعی فروخت 12 لاکھ 60 ہزار میٹرک ٹن رہی ‘ رپورٹ

جمعرات 2 جولائی 2026 17:46

پیٹرول و ڈیزل کی فروخت میں7 فیصد اضافہ ریکارڈ

لاہور(اُردو پوائنٹ اخبارتازہ ترین - این این آئی۔ 02 جولائی2026ء) گزشتہ ماہ جون 2026 کے دوران ملک میں آئل مارکیٹنگ کمپنیوں کی مجموعی فروخت 12 لاکھ 60 ہزار میٹرک ٹن رہی ہے۔رپورٹ کے مطابق پیٹرول اور ڈیزل کی قیمتوں میں کمی کے باعث ماہانہ بنیاد پر فروخت میں 7 فیصد اضافہ ریکارڈ کیا گیا، تاہم سالانہ بنیاد پر مجموعی فروخت میں 20 فیصد کمی دیکھی گئی۔

(جاری ہے)

رپورٹ کے مطابق مالی سال 2025-26 کے دوران آئل مارکیٹنگ کمپنیوں کی مجموعی فروخت ایک فیصد کمی کے ساتھ ایک کروڑ 62 لاکھ میٹرک ٹن رہی۔

جون 2026 میں فرنس آئل کی فروخت 41 ہزار ٹن ریکارڈ کی گئی، جو ماہانہ بنیاد پر 41 فیصد زیادہ جبکہ سالانہ بنیاد پر 68 فیصد کم رہی۔ہائی اسپیڈ ڈیزل کی فروخت جون میں 4 لاکھ 97 ہزار ٹن رہی، جس میں ماہانہ بنیاد پر 9 فیصد اضافہ جبکہ سالانہ بنیاد پر 20 فیصد کمی ریکارڈ کی گئی۔ دوسری جانب پیٹرول کی فروخت 5 فیصد ماہانہ اضافے کے ساتھ 6 لاکھ 49 ہزار ٹن تک پہنچ گئی، تاہم سالانہ بنیاد پر اس میں بھی 11 فیصد کمی دیکھی گئی۔