Live Updates

ایرانی حملوں میں درجنوں امریکی فوجی زخمی ہوئے اور نقصانات چھپایا گیا،نیویارک ٹائمز

28فروری سے ایران، امریکا اور اسرائیل کے درمیان کشیدگی میں اضافے کے بعد اب تک 17امریکی فوجی ہلاک ، 400سے زائد زخمی ہوچکے،رپورٹ

پیر 20 جولائی 2026 22:25

واشنگٹن(اُردو پوائنٹ اخبارتازہ ترین - این این آئی۔ 20 جولائی2026ء) امریکی اخبار نے دعویٰ کیا ہے کہ ایرانی حملوں میں درجنوں امریکی فوجی زخمی، پینٹاگون پر نقصانات چھپانے کا الزام عائد کردیا۔ امریکی اخبار نیویارک ٹائمز نے اپنی رپورٹ میں دعویٰ کیاکہ اردن میں امریکی فوجی تنصیبات پر ایرانی حملوں کے نتیجے میں درجنوں امریکی فوجی زخمی ہوئے جبکہ متعدد ہیلی کاپٹروں کو بھی نقصان پہنچا، تاہم پینٹاگون نے ان حملوں میں ہونے والے جانی و مالی نقصان کی تفصیلات عوام سے پوشیدہ رکھیں۔

رپورٹ میں بتایا گیا کہ امریکی حکام کا کہنا ہے کہ یہ تین حملے اس واقعے سے قبل ہوئے تھے جس میں جمعہ کے روز دو امریکی فوجی ہلاک جبکہ ایک لاپتا ہوگیا تھا۔اخبار نے کہاکہ 28فروری سے ایران، امریکا اور اسرائیل کے درمیان کشیدگی میں اضافے کے بعد اب تک 17 امریکی فوجی ہلاک اور 400 سے زائد زخمی ہو چکے ہیں۔

(جاری ہے)

دوسری جانب پینٹاگون نے ان دعوں کی تردید کرتے ہوئے کہا ہے کہ فوجیوں کی ہلاکتوں یا زخمیوں کی تعداد ہرگز نہیں چھپائی گئی، اور ایسے دعووں کا مقصد امریکی عوام میں مزید تشویش پھیلانا ہے۔

رپورٹ میں بتایا گیا کہ امریکا نے یورپ میں تعینات اپنے ایف-16 اور جدید اسٹیلتھ ایف-35 جنگی طیاروں کو مشرق وسطی منتقل کرنے کا فیصلہ کیا ہے، جسے ایران کے خلاف ممکنہ فوجی کارروائیوں میں اضافے کا اشارہ قرار دیا جا رہا ہے۔علاوہ ازیں امریکی حکام کا کہنا تھاکہ جرمنی سے ایف-16 اور برطانیہ سے ایف-35 طیاروں کی دوبارہ تعیناتی کا حکم جمعہ کو اردن میں امریکی ایئربیس پر حملے سے قبل ہی جاری کر دیا گیا تھا۔