ْسینیٹر مشاہد حسین سید نے ہائی ٹیک روبوٹ کی دشوار گزار راستوں سے گزرنے کی ویڈیو شیئر کردی

روبوٹ مشکل اور دشوار گزار پہاڑی راستوں اور ندی نالوں میں انتہائی تیزی کے ساتھ سفر کرتے دکھایا گیا

ہفتہ 25 جولائی 2026 20:10

اسلام آباد (اُردو پوائنٹ اخبارتازہ ترین - این این آئی۔ 25 جولائی2026ء) پاکستان مسلم لیگ (ن) کے سینیٹر مشاہد حسین سید نے ہائی ٹیک روبوٹ کی ویڈیو شیئر کی ہے، یہ روبوٹ مشکل اور دشوار گزار پہاڑی راستوں اور ندی نالوں میں انتہائی تیزی کے ساتھ سفر کرتے دکھایا گیا ہے۔

(جاری ہے)

ویڈیو میں دکھایا گیا ہے کہ یہ روبوٹ 180 کلو تک وزن اٹھانے کی صلاحیت رکھتا ہے۔ مشاہد حسین سید نے لکھا کہ یہ ہائی ٹیک جدیدیت ،بالخصوص روبوٹکس کے شعبے میں چین کی شاندار کامیابی کی داستان ہے۔ پاکستان سائنس اور ٹیکنالوجی میں ایجادات کے چینی ماڈل سے بہت کچھ سیکھ سکتا ہے۔