محسن نقوی کی طرف سے جو مقدمہ پیش کیا جانا تھا وہ تو پیش نہ کرسکے لیکن سیاسی ہلچل ضرور مچا دی

اب معاملات ہر طرف قابو میں ہیں اس یقین دہانی کے ساتھ کہ ایک پیج کو کمزور کرنے کی کسی کوشش کو کامیاب نہ ہونے دیا جائے، صحافی انصارعباسی

ثنااللہ ناگرہ پیر 3 اگست 2026 23:03

محسن نقوی کی طرف سے جو مقدمہ پیش کیا جانا تھا وہ تو پیش نہ کرسکے لیکن ..

اسلام آباد (اردوپوائنٹ اخبار تازہ ترین۔ انٹرنیشنل پریس ایجنسی۔ 03 اگست 2026ء ) سینئر صحافی انصار عباسی کے ایکس پر ٹویٹ کے مطابق ذرائع کا کہنا ہے کہ محسن نقوی کی طرف سے ایک مقدمہ جو پیش کیا جانا تھا وہ تو وہ پیش نہ کر سکے لیکن سیاسی ہلچل ضرور مچا دی۔ پر اب معاملات ہر طرف قابو میں ہیں اس یقین دہانی کے ساتھ کہ ایک پیج کو کمزور کرنے کی کسی کوشش کو کامیاب نہ ہونے دیا جائے۔

محسن نقوی کی طرف سے ایک مقدمہ جو پیش کیا جانا تھا وہ تو وہ پیش نہ کر سکے لیکن سیاسی ہلچل ضرور مچا دی۔ پر اب معاملات ہر طرف قابو میں ہیں اس یقین دہانی کے ساتھ کہ ایک پیج کو کمزور کرنے کی کسی کوشش کو کامیاب نہ ہونے دیا جائے، ذرائع۔
— Ansar Abbasi (@AnsarAAbbasi) August 3, 2026

مزید برآں وزیر دفاع خواجہ آصف نے کہا ہے کہ محسن نقوی اس حکومت کے طاقتور ترین وزیر ہیں جو کئی معاملات میں وزیراعظم کو بھی جوابدہ نہیں ہیں۔ نجی ٹی وی پر گفتگو کرتے ہوئے وفاقی وزیر خواجہ آصف نے کہا کہ محسن نقوی وزیر داخلہ ہوتے ہوئے بھی سسٹم کا حصہ نہیں ہیں، کابینہ اجلاس میں صرف دو تین بار دیکھا ہے۔

(جاری ہے)

انہوں نے کہا کہ محسن نقوی پارلیمنٹ بھی صرف سات یا آٹھ بار آئے ہوں گے، اب اگر محسن نقوی شکایت کر رہے ہیں تو پھر ہمیں گھر چلے جانا چاہیے۔

واضح رہے کہ وفاقی وزیر داخلہ محسن نقوی نے اپنے حالیہ بیان میں کہا تھا کہ موجودہ نظام اس حد تک کمزور ہو چکا ہے کہ اگر یہی صورتحال برقرار رہی تو آئندہ 10سال بعد بھی ملک انہی مسائل میں گھرا رہے گا۔ وزیر داخلہ کا کہنا تھا کہ ملک کی بہتری اور ترقی کیلئے نئے انتظامی یونٹس یا صوبوں کا قیام ناگزیر ہو چکا ہے کیونکہ موجودہ نظام اپنی افادیت کھو چکا ہے اور

اس کے ذریعے مسائل حل کرنا ممکن نہیں رہا۔