ٹرمپ نے اسٹیج سے گرتے بچے کو بچا کر بائیڈن پر طنزیہ وار کردیا

میں نہیں چاہتا کہ یہ بائیڈن کی طرح اسٹیج سے گر جائے،امریکی صدر

جمعرات 6 اگست 2026 22:16

ٹرمپ نے اسٹیج سے گرتے بچے کو بچا کر بائیڈن پر طنزیہ وار کردیا

واشنگٹن (اُردو پوائنٹ اخبارتازہ ترین - این این آئی۔ 06 اگست2026ء) امریکی صدر ڈونلڈ ٹرمپ نے ریاست نیواڈا میں ایک تقریب کے دوران اسٹیج پر موجود ایک ننھے بچے کو گرنے سے بچا لیا۔اس موقع پر انہوں نے سابق صدر جو بائیڈن پر طنزیہ تبصرہ کرتے ہوئے حاضرین سے قہقہے بھی سمیٹے۔

(جاری ہے)

یہ واقعہ گزشتہ روز ریڈ راک کیسینو ریزورٹ اینڈ اسپا میں پیش آیا، جہاں ٹرمپ اپنی انتظامیہ کے ٹرمپ اکائونٹس اور ٹپس پر ٹیکس نہیں جیسے اقدامات کی تشہیر کر رہے تھے۔

تقریب کے دوران ٹرمپ نے لاس ویگاس سے تعلق رکھنے والے ایک جوڑے، سینڈرا اور بریڈ، کو ان کے دو کم عمر بچوں سمیت اسٹیج پر مدعو کیا، اسی دوران جب سینڈرا حاضرین سے خطاب کر رہی تھیں تو ان کا ننھا بیٹا اسٹیج سے نیچے جانے کی کوشش کرنے لگا۔ٹرمپ نے فوری طور پر آگے بڑھ کر بچے کو روک لیا اور ہنستے ہوئے کہا کہ میں نہیں چاہتا کہ یہ بائیڈن کی طرح اسٹیج سے گر جائے، ان کے اس جملے پر حاضرین نے قہقہے لگائے۔