کراچی میں ڈاکوؤں کی فائرنگ سے شہری جاں بحق، رواں سال میں اب تک کی تعداد 46 ہوگئی

ہفتہ 8 اگست 2026 18:55

کراچی (اُردو پوائنٹ اخبارتازہ ترین - این این آئی۔ 08 اگست2026ء) شہر قائد میں پولیس اور ڈاکوؤں کے درمیان فائرنگ کے تبادلے میں ایک اور شہری زندگی کی بازی ہار گیا اس سے قبل کھارادر میں بھی پولیس مقابلے کے دوران سبزی فروش فائرنگ کی زد میں آکر جاں بحق ہوا تھا۔تفصیلات کے مطابق کورنگی ناصر جمپ کے قریب پولیس اور ڈاکوؤں کے درمیان فائرنگ کے تبادلے میں سوزوکی ڈرائیور جاں بحق ہوگیا جبکہ پولیس نے 2 ڈاکوؤں کو زخمی حالت میں گرفتار کرلیا۔

حالیہ واقعے کے بعد شہر میں ڈاکوؤں کی فائرنگ سے جاں بحق افراد کی مجموعی تعداد 46 ہوگئی۔ عزیز آباد میں ڈاکوؤں نے مزاحمت پر شہری کو فائرنگ کر کے زخمی کر دیا۔کورنگی ناصر جمپ پی این ٹی کالونی کے قریب فائرنگ سے ایک شخص جاں بحق ہوگیا جس کی لاش چھیپا کے رضا کاروں نے ضابطے کی کارروائی کے لیے جناح اسپتال منتقل کی۔

(جاری ہے)

اس حوالے سے کورنگی صنعتی ایریا حکم داد نے بتایا کہ پی این ٹی کالونی گیٹ نمبر 5 کے قریب پولیس اور ڈاکوو?ں کے درمیان فائرنگ کے تبادلے میں ایک شخص جاں بحق ہوگیا جس کی شناخت 38 سالہ عبیداللہ کے نام سے کی گئی جو کہ ڈاکوؤں کی فائرنگ سے جاں بحق ہوا ہے۔

انہوں نے بتایا کہ پولیس نے مقابلے کے دوران 2 ڈاکوؤں 17 سالہ رضوان اور 18 سالہ عبداللہ کو زخمی حالت میں گرفتار کر کے 2 پستول اور موٹر سائیکل برآمد کرلی۔پولیس کے مطابق گرفتار ڈاکو ابراہیم حیدری کورنگی سو کوارٹر کے رہائشی ہیں۔ جناح اسپتال میں مقتول کے بھائی نے بتایا عبیداللہ سوزوکی پک اپ چلاتا تھا اور وہیں پر بیٹھا ہوا تھا کہ گولی کا نشانہ بن گیا۔

انہوں نے بتایا کہ مقتول 4 بچوں کا باپ، 7 بھائیوں میں 5 ویں نمبر پر اور کورنگی پی این ٹی کالونی کا ہی رہائشی تھا، کچھ نہیں پتہ کہ بھائی کو کس کی گولی لگی ہے جبکہ پولیس کا کہنا ہے عبیداللہ ڈاکوؤں کی فائرنگ جاں بحق ہوا ہے۔دریں اثنا عزیز آباد کے علاقے فیڈرل بی ایریا بلاک 3 صدیق آباد میمن مسجد کے قریب فائرنگ سے 33 سالہ شعیب زخمی ہوگیا جسے طبی امداد کے لیے عباسی شہید اسپتال لیجایا گیا۔عزیز آباد پولیس کا کہنا ہے کہ واقعہ ڈکیتی کے دوران مزاحمت پر ڈاکوو?ں کی فائرنگ سے پیش ا?یا ہے جس کی مزید معلومات حاصل کی جا رہی ہے۔