چوہنگ میں داماد نے بیوی، ساس، سسر اور براد نسبتی کو قتل کر کے خودکشی کر لی

منگل 18 اگست 2026 12:35

لاہور(اُردو پوائنٹ اخبارتازہ ترین - این این آئی۔ 18 اگست2026ء) چوہنگ میں داماد نے سسرالیوں پر فائرنگ کر کے 4 افراد کو موت کے گھاٹ اترنے کے بعد اپنی زندگی کابھی خاتمہ کر لیا ، فائرنگ کی زد میں آکر جاں بحق ہونے والوں میں ملزم کی بیوی، ساس، سسر اور برادر نسبتی جاں بحق ہوگئے ۔بتایا گیا ہے کہ عمران شوکت کی چھ ماہ قبل سمعیہ بی بی سے شادی ہوئی تھی اور مبینہ گھریلو جھگڑے کی وجہ سے اس کی اہلیہ اپنے والدین کے گھر رہ رہی تھی ۔

گزشتہ روز عمران شوکت اپنی بیوی سمیعہ بی بی کو اپنے ساتھ لے جانے کے لئے آیا اور نوبت جھگڑے پرپہنچنے کے بعد ملزم نے فائرنگ کر کے اپنی اہلیہ سمعیہ بی بی، سسر علی خان، برادر نسبتی ذیشان خان اور ساس شمائلہ بی بی کو قتل کر دیا اور اس کے بعد اپنے سر میں بھی فائر مار کر خودکشی کرلی۔

(جاری ہے)

بتایاگیا ہے کہ ملزم نے اپنی اہلیہ سمعیہ کے سر میں،سسر علی خان کو سینے میں ، برادری نسبتی ذیشان خان کو کمر میں فائر مارا ۔

ر سمیعہ کو ساتھ نہ چلنے پر سر میں گولی مار دی، اس کے بعد ملزم نے سسر علی خان، ساس شمائلہ اور برادر نسبتی ذیشان کو بھی مار ڈالا، بعدازاں ملزم عمران شوکت نے خود کو گولی مار کر خودکشی کر لی۔ذرائع کے مطابق عمران شوکت اور سمعیہ ایک دفتر میں اکٹھے کام کرتے تھے، عمران شوکت نے سمعیہ سے پسند کی شادی کی تھی، یہ عمران کی دوسری شادی تھی، پہلی بیوی سے عمران کے 3 بچے ہیں۔ملزم کی بیوی سمعیہ میکے ہی رہتی تھی، دونوں خاندانوں نے ایک دوسرے پر کیس کیا ہوا تھا، پہلے بھی لڑائی جھگڑا ہو چکا تھا۔اطلاع ملتے ہی پولیس ،فرانزک ٹیم اور رریسکیو 1122اور ایدھی فائونڈیشن کے رضا کار موقع پر پہنچ گئے ۔ پولیس اور فرانزک ٹیم کی کارروائی کے بعد لاشوں کو مردہ خانے منتقل کر دیا گیا ۔