امریکا اور میکسیکو کے درمیان نئے تجارتی معاہدے پر کام شروع

ہفتہ 22 اگست 2026 10:02

واشنگٹن (اُردو پوائنٹ اخبارتازہ ترین - اے پی پی۔ 22 اگست2026ء) امریکی صدر ڈونلڈ ٹرمپ نے کہا ہے کہ امریکا اور میکسیکو نے نئے تجارتی معاہدے پر کام شروع کردیا ہے، جبکہ امریکا اور کینیڈا کے درمیان تجارتی معاملات پر بھی بڑی حد تک اتفاق رائے ہوگیا ہے۔

(جاری ہے)

تاس کےمطابق واشنگٹن میں صحافیوں سے گفتگو کرتے ہوئے صدر ٹرمپ نے کہا کہ میکسیکو کے ساتھ ایک نئے اور امریکا کے لیے زیادہ بہتر تجارتی معاہدے کے لیے بات چیت شروع کی جارہی ہے۔

انہوں نے بتایا کہ کینیڈا کے ساتھ بھی تجارت سے متعلق معاملات پر بڑی حد تک معاہدہ طے پاچکا ہے۔رپورٹ کے مطابق گزشتہ ماہ امریکی تجارتی نمائندے جیمیسن گریئر نے کہا تھا کہ امریکا اور میکسیکو کے حکام ایشیا سے مینوفیکچرنگ کو شمالی امریکا منتقل کرنے کے معاملے پر تعمیری مذاکرات کررہے ہیں۔صدر ٹرمپ اس سے قبل میکسیکو پر نئی اور بلند درآمدی محصولات عائد کرنے کی دھمکی دے چکے ہیں۔