سر حد چیمبر کا بینک آف خیبر سے چھوٹے تاجروں، کاروبار اورصنعت کیلئے کو آسان شرائط پر قرضے فراہم کرنے کا مطا لبہ

پشاور(اُردو پوائنٹ اخبارتازہ ترین - این این آئی۔ 28 اگست2026ء) سرحد چیمبر آف کامرس اینڈ انڈسٹری کے صدر جنید الطاف نے بینک آف خیبر کے ذریعے چھوٹے تاجروں اور دکانداروںکو آسان شرائط پر قرضے فراہم کرنے کا مطالبہ کیا۔ گذشتہ رو ز بینک آف خیبر کے اعلیٰ افسران کے وفد کے ساتھ ملاقات کے دوران تبا د لہ خیا ل کر تے ہو ئے کہا ہے کہانہوں نے معیشت کی تر قی و ا ستحکا م کیلئے چھو ٹے و در میا نے در جے کے کا روبا ر و صنعت کو آسان قرضے اور مالی معاونت کی فراہمی کیلئے ایک مؤثر طریقہ کار وضع کرنے نا گر یز ہے ۔

انہوں نے کاروباری برادری کیلئے 5 سے 10 مرلہ تک پلاٹ خریدنے کی قرضہ سہولت، اور ڈی ایچ اے کی طرز پر منظم رہائشی علاقے میں تاجروں کیلئے ہاؤس فنانسنگ (گھر کی تعمیر یا خریداری کے لیے قرض) کی سہولت کا بھی تجو یز پیش کی۔

(جاری ہے)

وفد میں بینک آف خیبر کے گروپ ہیڈ (کمرشل، ایس ایم ایز اور ایگریکلچر فنانسنگ) عبدالغفار، گروپ ہیڈ (ریٹیل بینکنگ) گلبر خان اور ہیڈ (ایس ایم ایز بینکنگ) جناب عمر عزیز خان شامل تھے۔

اس موقع پر سر حد چیمبر کے سینئر نائب صدر محمد ندیم، نائب صدر صابر احمد بنگش، ایگزیکٹو کمیٹی کے اراکین محمد اشفاق، گل زمان اور عاطف شہزاد، ملک خا لد فاروق، چیمبر کے سیکرٹری جنرل مقتصد احسن اور دیگرافسر ان بھی موجود تھے۔ملا قات کے دوران کاروباری برادری، بالخصوص چھوٹے تاجروں، دکانداروں، چھوٹے اور درمیانے درجے کے کاروبارو بڑی مینوفیکچرنگ یونٹس/صنعتوں کو آسان قرضے اور مالی سہولت کاری کی فراہمی پر تفصیلی تبادلہ خیال کیا گیا۔

سر حد چیمبر کے صدر جنید الطاف نے رہائشی مکانات کی تعمیر یا گھر کی خریداری کیلئے کم مارک اپ پر قرضوں کی فراہمی کی بات بھی کی۔انہوں نے سر حد چیمبر کی ایگزیکٹو کمیٹی کے اراکین، ملازمین اور صوبے کے عوام کے لیے مناسب انداز میں سہولت کاری کی خدمات فراہم کرنے کا بھی مطالبہ کیا۔ صدر جنید الطاف نے اس بات پر زور دیا کہ بینک آف خیبر اور چیمبر کے درمیان قریبی رابطے اور ہم آہنگی قائم کی جائے تاکہ کاروباری برادری کو بینک کی کسی بھی شاخ میں کسی قسم کی دشواری یا مشکلات کا سامنا نہ کرنا پڑے۔

وفد سے گفتگو کرتے ہوئے صدر جنید الطاف نے کہا کہ بینک آف خیبر صوبے کا ایک اہم ترین مالیاتی ادارہ ہے جس نے کاروباری برادری اور عوام کی سہولت کاری میں نمایاں کردار ادا کیا ہے۔بینک کے اعلیٰ حکام نے چیمبر کے صدر کی جانب سے پیش کردہ تجاویز کو سراہا اور یقین دہانی کرائی کہ بینک آف خیبر پورے صوبے میں کاروباری برادری کیلئے سہولیات کو مزید بہتر بنانے کی خاطر اقدامات کرے گا۔

بینک ا ٓف خیبر کے وفد نے یقین دہانی کرائی کہ تمام تجاویز پر جلد عمل درآمد کے لیے اعلیٰ انتظامیہ سے بات کی جائے گی اور کاروباری افراد کی سہولت کاری کے لیے تعاون کا سلسلہ جاری رکھا جائے گا۔صدر جنید الطاف نے سر حد چیمبر کے اعلیٰ حکام کا شکریہ ادا کیا کہ انہوں نے تجاویز کو تسلیم کیا، کاروباری برادری کے مسائل و مشکلات پر خصوصی توجہ دی اور ان کے جلد حل کی یقین دہانی کرائی۔بعد ازاں،سر حد چیمبر کے وفد نے 'بزنس مین فورم' کے رہنما غضنفر بلور سے بھی ملاقات کی اور چھوٹے تاجروں، دکانداروں کے ساتھ ساتھ بڑے پیمانے کے کاروباری اداروں کو مالی معاونت اور بینکاری سہولیات کی فراہمی کے حوالے سے تبادلہ خیال کیا۔