کراچی میں 2 خواتین کے مابین جھگڑے کی سی سی ٹی وی سامنے آگئی ہے

پارکنگ کے معاملے پر دو خواتین میں تلخ کلامی، بااثر فیملی کا دوسری فیملی کی خاتون پر تشدد اور پھر مقدمہ بھی درج کرا دیا

ثنااللہ ناگرہ ہفتہ 29 اگست 2026 00:02

کراچی میں 2 خواتین کے مابین جھگڑے کی سی سی ٹی وی سامنے آگئی ہے

کراچی (اردوپوائنٹ اخبار تازہ ترین۔ انٹرنیشنل پریس ایجنسی۔ 28 اگست 2026ء ) کراچی میں پارکنگ کے معاملے پر 2 خواتین کے مابین جھگڑے کی سی سی ٹی وی سامنے آگئی ہے۔ میڈیا کے مطابق کراچی کے علاقے ڈیفنس میں پارکنگ کے معاملے پر دو گھرانوں کی خواتین میں جھگڑا ہوا، 2 خواتین کے مابین جھگڑے کی سی سی ٹی وی سامنے آگئی ہے۔

(جاری ہے)

نجی ٹی وی اے آر وائی نیوز کو موصول ہونے والی ویڈیو میں دیکھا جاسکتا ہے کہ دونوں خواتین کے درمیان تلخ کلامی کے بعد ایک خاتون کو تشدد کرتے ہوئے دیکھا جاسکتا ہے۔

کراچی: ڈیفنس میں خواتین کے درمیان جھگڑا، سی سی ٹی وی سامنے آگئی#ARYNews pic.twitter.com/2xFMVeiMCq
— ARY NEWS (@ARYNEWSOFFICIAL) August 28, 2026

تلخ کلامی واقعے کے تھوڑی دیر بعد اضافی نفری آئی اور سادہ لباس شخص نے سرکاری اسلحے کے ساتھ فلیٹ کے باہر لگا سی سی ٹی وی کیمرہ توڑ دیا۔ خاتون پر تشدد کے باوجود بااثر فیملی نے دوسری فیملی پر مقدمہ درج کروادیا ہے۔ پولیس حکام کے مطابق تشدد کا شکار افراد بہن بھائی ہیں، واقعے کا مقدمہ درج کرلیا گیا ہے۔