حیدرآباد میں منشیات سپلائی گینگ کے 2 کارندے گرفتار، آئس اور ہیروئن برآمد

حسین آباد پولیس کی کارروائی، 8 کلو کرسٹل آئس اور 2 کلو سے زائد ہیروئن برآمد، آئی جی سندھ کا ٹیم کیلئے 5 لاکھ روپے انعام کا اعلان

منگل 1 ستمبر 2026 21:30

حیدرآباد (اُردو پوائنٹ اخبارتازہ ترین - این این آئی۔ 01 ستمبر2026ء) حسین آباد پولیس نے منشیات کے خلاف کارروائی کرتے ہوئے بین الصوبائی منشیات سپلائی گینگ کے 2 مبینہ کارندوں کو گرفتار کرکے 8 کلوگرام کرسٹل آئس اور 2 کلوگرام سے زائد ہیروئن برآمد کرلی۔ترجمان سندھ پولیس کے مطابق کارروائی گزشتہ رات کی گئی، جس کے دوران گرفتار ملزمان کے قبضے سے بڑی مقدار میں منشیات برآمد ہوئی۔

پولیس نے کارروائی کو منشیات کے خلاف اہم کامیابی قرار دیا ہے۔

(جاری ہے)

آئی جی سندھ جاوید عالم اوڈھو نے کارروائی پر ڈی آئی جی حیدرآباد طارق رزاق دھاریجو، ایس ایس پی حیدرآباد شاہزیب چاچڑ اور حسین آباد پولیس ٹیم کو شاباش دی۔آئی جی سندھ نے کارروائی میں حصہ لینے والی پوری ٹیم کیلئے 5 لاکھ روپے نقد انعام اور تعریفی اسناد دینے کا اعلان کیا۔ انہوں نے افسران کو تعریفی اسناد جبکہ اہلکاروں کو سی سی فرسٹ دینے کی ہدایت کی۔جاوید عالم اوڈھو نے منشیات کے خلاف کارروائیاں مزید مؤثر اور تیز کرنے کی ہدایت کرتے ہوئے کہا کہ منشیات کے نیٹ ورک کے خاتمے کیلئے پولیس اپنی کارروائیاں جاری رکھے گی۔