فیصل آباد میں دو حادثات ، 14 سالہ لڑکا جاں بحق ، چھت گرنے سے باپ بیٹی زخمی ہوگئے

بدھ 2 ستمبر 2026 16:00

فیصل آباد (اُردو پوائنٹ اخبارتازہ ترین - اے پی پی۔ 02 ستمبر2026ء) فیصل آباد میں دو مختلف حادثات میں 14 سالہ لڑکا جاں بحق اور باپ و بیٹی زخمی ہوگئے، ریسکیو ٹیم نے زخمیوں کو ہسپتال منتقل کردیا۔ ریسکیو حکام نے بتایا کہ ٹریفک حادثہ میں ڈمپر اور سائیکل کا تصادم ہوا جس میں 14 سالہ لڑکا جاں بحق ہوگیا، مکان کی چھت گرنے سے بچی زرنش اور اس کا باپ علی رضا زخمی ہوگئے۔

فیصل آباد میں ستیانہ روڈ رفاہ یونیورسٹی کے قریب ڈمپر اور سائیکل کا تصادم ہوا۔حادثہ کے نتیجے میں سائیکل سوار 14 سالہ احمد حبیب موقع پر جاں بحق ہوگیا۔

(جاری ہے)

حادثے کے بعد ڈمپر کو پولیس نے اپنی تحویل میں لے لیا۔ متوقی کی میت ضروری کارروائی کے بعد پولیس تھانہ صدر کی موجودگی میں لواحقین کے حوالے کر دی گئی۔ ایک اور حادثہ میں شالیمار پارک، ہلال روڈ پر گھر کی خستہ حال چھت کا حصہ اچانک گر گیا۔

چھت کے اوپر پانی کی ٹینکی بنی ہوئی تھی ۔چھت کے ملبے کی زد میں آ کر 32 سالہ علی رضا اور 3 سالہ زرنش زخمی ہوگئی۔ریسکیو 1122 کی ٹیم نے بروقت موقع پر پہنچ کر دونوں زخمیوں کو ابتدائی طبی امداد فراہم کی۔ زخمی باپ اور 3 سالہ بچی کو مزید طبی امداد کے لیے ڈی ایچ کیو ہسپتال فیصل آباد منتقل کر دیا گیا۔