لاہور ہائیکورٹ کے جسٹس راحیل کامران شیخ نے استعفیٰ دیدیا

جسٹس راحیل کامران شیخ 7 مئی 2021 کو بطور ایڈیشنل جج تعینات ہوئے تھے

جمعرات 3 ستمبر 2026 12:29

لاہور ہائیکورٹ کے جسٹس راحیل کامران شیخ نے استعفیٰ دیدیا

لاہور(اُردو پوائنٹ اخبارتازہ ترین - این این آئی۔ 03 ستمبر2026ء) لاہور ہائیکورٹ کے جسٹس راحیل کامران شیخ نے عہدے سے استعفیٰ دے دیا، جسٹس راحیل کامران شیخ 7 مئی 2021 کو بطور ایڈیشنل جج تعینات ہوئے تھے۔لاہور ہائیکورٹ کے جسٹس راحیل کامران شیخ نے 5 سال تین ماہ اور 27 دن جج کے عہدے پر رہنے کے بعد استعفیٰ دیا، انہوںنے اپنا استعفیٰ صدر پاکستان کو بھجوایا۔

(جاری ہے)

استعفے کے متن میں تحریر گیا کیا کہ جج کے منصب پر خدمات انجام دینا اعزاز اور باعث فخر رہا، عدالتی منصب سے مستعفی ہونے کے بعد قانونی سکالر شپ، پالیسی ریسرچ اور تقابلی عدالتی پریکٹس سے وسیع وابستگی کا فیصلہ کیا، عدالتی بنچ پر گزارے سال پیشہ ورانہ زندگی کے سب سے اہم اور بھرپور سال رہے، آئین اور قانون کی حکمرانی سے وابستگی کے عزم کے ساتھ بنچ چھوڑ رہا ہوں۔

جسٹس راحیل کامران شیخ نے استعفے میں آئین اور قانون کی بالادستی سے وابستگی کا اظہار کیا اور سینئر ساتھی ججز اور سٹاف کا بھی شکریہ ادا کیا۔جسٹس راحیل کامران شیخ نے استعفے کی کاپی رجسٹرار لاہور ہائیکورٹ کو بھی بھجوا دی۔جسٹس راحیل کامران شیخ ہائیکورٹ کی سنیارٹی لسٹ میں 27 ویں نمبر پر تھے، بطور جج انہوں نے 126 رپورٹڈ ججمنٹس جاری کیں، جسٹس راحیل کامران نے جنوری 2036 میں ریٹائرڈ ہونا تھا۔