کراچی میں گاڑی کے اندر اتفاقیہ فائرنگ، 12 سالہ بچہ جاں بحق

گلشن اقبال میں گھر کے باہر کھڑی گاڑی میں پستول سے کھیلتے ہوئے گولی چل گئی، گاڑی مالک کے بیٹے کا دوست شدید زخمی ہوا، دوران علاج دم توڑ گیا

اتوار 13 ستمبر 2026 18:20

کراچی(اُردو پوائنٹ اخبارتازہ ترین - این این آئی۔ 13 ستمبر2026ء) گلشن اقبال بلاک 16 میں گھر کے باہر کھڑی گاڑی میں اتفاقیہ فائرنگ کے نتیجے میں 12 سالہ بچہ جاں بحق ہوگیا۔پولیس کے مطابق بیت المکرم مسجد کے قریب اپسرا اپارٹمنٹ کے اندر گھر کے باہر کھڑی گاڑی میں پستول سے کھیلتے ہوئے اچانک گولی چل گئی۔

(جاری ہے)

گولی گاڑی کے مالک کے بیٹے کے ہاتھ سے چلی جو اس کے ساتھ موجود دوست 12 سالہ عبدالرّقیب کو جا لگی۔

فائرنگ کے نتیجے میں عبدالرّقیب شدید زخمی ہوگیا جسے فوری طبی امداد کیلئے اسپتال منتقل کیا گیا، تاہم وہ دوران علاج دم توڑ گیا۔پولیس حکام نے کہا کہ واقعے کی اطلاع ملنے پر پولیس ٹیم موقع پر پہنچ گئی اور شواہد اکٹھے کرنا شروع کردیئے ہیں، جبکہ واقعے کے دیگر پہلوؤں کی بھی تحقیقات کی جارہی ہیں۔