منفی قوتیں مصنوعی ذہانت پر بڑھتے ہوئے خدشات کو ہوا دے رہی ہیں، ٹرمپ

پیر 14 ستمبر 2026 22:13

واشنگٹن (اُردو پوائنٹ اخبارتازہ ترین - این این آئی۔ 14 ستمبر2026ء) امریکی صدر ڈونلڈ ٹرمپ نے کہا ہے کہ مصنوعی ذہانت سے متعلق بڑھتے ہوئے خدشات کو بعض منفی قوتیں بڑھا چڑھا کر پیش کر رہی ہیں تاہم امریکا کو مصنوعی ذہانت کے میدان میں اپنی عالمی برتری برقرار رکھنی چاہیے۔آئرلینڈ میں اپنے گالف کورس پر صحافیوں سے گفتگو کرتے ہوئے ڈونلڈ ٹرمپ نے کہا کہ امریکا مصنوعی ذہانت کے شعبے میں چین سے آگے ہے اور دنیا کا سب سے جدید ملک ہے۔

(جاری ہے)

صدر ٹرمپ نے دعوی کیا کہ میں چاہتا ہوں کہ امریکا اپنی یہ برتری برقرار رکھے کیونکہ جو مصنوعی ذہانت کے میدان میں آگے ہو گا، وہی جیتے گا۔امریکی صدر کا یہ بیان ایسے وقت میں سامنے آیا ہے جب مصنوعی ذہانت کے تیزی سے بڑھتے ہوئے خطرات پر امریکا میں تشویش میں اضافہ ہوا ہے۔دوسری جانب ٹرمپ انتظامیہ نے اپنی دوسری مدت میں مصنوعی ذہانت کی کمپنیوں کی بھرپور حمایت کی ہے جبکہ بڑی ٹیکنالوجی کمپنیوں اور مصنوعی ذہانت کے شعبے کے رہنماں نے بھی ٹرمپ کے مختلف پروگراموں کی حمایت کی ہے۔