پاکستان نے بھارت کے لیے فضائی حدود کی بندش میں مزید ایک ماہ کی توسیع کر دی

بھارتی رجسٹرڈ طیاروں کے لیے پاکستان نے اپنی فضائی حدود 23 اکتوبر 2026ءتک بند رکھنے کا فیصلہ کیا ہے. نوٹم جاری

میاں محمد ندیم بدھ 16 ستمبر 2026 13:05

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔16 ستمبر ۔2026 ) پاکستان نے بھارت کے لیے فضائی حدود کی بندش میں مزید ایک ماہ کی توسیع کر دی، اس سلسلے میں پاکستان ایئر پورٹ اتھارٹی نے نیا نوٹم جاری کر دیا ہے نوٹم کے مطابق بھارتی رجسٹرڈ طیاروں کے لیے پاکستان نے اپنی فضائی حدود 23 اکتوبر 2026ءتک بند رکھنے کا فیصلہ کیا ہے. نوٹم میں کہا گیا ہے کہ بھارت کے تمام رجسٹرڈ ملٹری اور کمرشل طیارے پاکستان کی فضائی حدود استعمال نہیں کر سکتے واضح رہے کہ پاکستان نے بھارت کے لیے اپنی فضائی حدود 23 اپریل 2025ءسے بند کر رکھی ہے.