ورلڈ بیسٹ لوکاسٹ ہاؤسنگ پراجیکٹ ’’اپنی چھت، اپنا گھر‘‘ دنیا میں پنجاب ہی نہیں بلکہ پا کستان کی پہچان بن چکا ہے‘ مریم نواز

پیر 5 اکتوبر 2026 19:12

لاہور (اُردو پوائنٹ اخبارتازہ ترین - این این آئی۔ 05 اکتوبر2026ء) وزیراعلیٰ پنجاب مریم نواز شریف نے کہا ہے کہ ورلڈ بیسٹ لو کاسٹ ہاؤسنگ پراجیکٹ ’’اپنی چھت، اپنا گھر‘‘ دنیا میں پنجاب ہی نہیں بلکہ پا کستان کی پہچان بن چکا ہے ۔ عالمی یوم رہائش پر خصوصی پیغام میں وزیراعلیٰ مریم نواز شریف نے بتایا کہ ویژنری پروگرام ’’اپنی چھت،اپنا گھر‘‘پراجیکٹ کو ایک بار پھر عالمی سطح پر بھرپورپذیرائی مل رہی ہے۔

پنجاب حکومت کے ’’اپنی چھت، اپنا گھر‘‘ پراجیکٹ کو یو این ہیبی ٹیٹ سکرول آنر ایوارڈ عالمی یوم رہائش (habitat)پر پنجاب کو خصوصی اعزاز سے نوازا گیا ہے۔ وزیراعلیٰ مریم نواز شریف نے بتایا کہ19سال کے بعد پنجاب ایک مرتبہ پھر یو این ہیبی ٹیٹ سکرول آنر ایوارڈ میں سر فہرست آیا۔

(جاری ہے)

’’اپنی چھت، اپنا گھر‘‘ پراجیکٹ کم آمدن رکھنے والے خاندانوں کے لیے امید کی کرن ہے ۔

’’اپنی چھت، اپنا گھر‘‘ پروگرام کے ذریعے غریب افرادکو چھت کی نعمت مل رہی ہے ۔ وزیراعلیٰ مریم نواز شریف نے کہا کہ ریکارڈ مختصر مدت میں 2لاکھ سے زائد افراد’’اپنی چھت، ا پناگھر‘‘ پروگرام کے تحت لون حاصل کر چکے ہیں ۔ ’’اپنی چھت، اپناگھر‘‘ پروگرام کے تحت 5سال میں 5لاکھ گھر بنانے کا ہدف پورا کریں گے ۔ ’’اپنی چھت، اپنا گھر‘‘ پروگرام عام آدمی کے اپنے گھر کے خواب کی تکمیل کی جانب اہم قدم ہے ۔ وزیراعلیٰ مریم نواز شریف نے مزید کہا کہ عالمی یوم رہائش پر ہر مستحق خاندان کو چھت فراہم کرنے کے عزم کا ا عادہ کرتے ہیں ۔ محفوظ، باعزت اور معیاری رہائش ہر شہری کا بنیادی حق ہے اوریہ حق اسے ضرور ملے گا ۔