جاپانی خاتون کی ہلاکت کے الزام میں20سالہ امریکی میرین گرفتار

جاپان نے اوکی ناوا میں امریکی فوجی کے ہاتھوں خاتون کے قتل کو ’’گھنانا جرم‘‘قرار دے دیا

پیر 5 اکتوبر 2026 18:55

ٹوکیو(اُردو پوائنٹ اخبارتازہ ترین - این این آئی۔ 05 اکتوبر2026ء) جاپانی پولیس نے اوکی ناوا کے شہر ناہا کے ایک ہوٹل میں 39 سالہ جاپانی خاتون کی ہلاکت کے الزام میں 20 سالہ امریکی میرین کو گرفتار کیا ہے۔ پولیس کے مطابق خاتون کا پرس اور دیگر سامان بھی لے جایا گیا۔

(جاری ہے)

پولیس کے مطابق سکیورٹی کیمروں میں مشتبہ شخص کو خاتون کے ساتھ ہوٹل میں داخل ہوتے اور بعد میں اکیلے باہر نکلتے دیکھا گیا۔ حکام کو شبہ ہے کہ خاتون کا گلا دبایا گیا تھا۔تاہم ملزم نے الزامات سے انکار کیا ہے۔ جاپانی وزیراعظم سنائے تاکائیچی نے واقعے کو انتہائی سنگین اور گھنانا جرم قرار دیتے ہوئے امریکا سے تحقیقات میں مکمل تعاون اور امریکی فوجیوں میں سخت نظم و ضبط یقینی بنانے کا مطالبہ کیا۔