Anokha Jungle - Article No. 2784

صالحہ خان، ملتان
طاہر اپنی نانی کے گھر آیا ہوا تھا۔وہ اپنے رشتے کے بہن بھائیوں کے ساتھ نانی کے باغیچے میں کھیل رہا تھا۔تھوڑی دیر آرام کرنے کے لئے وہ ایک جگہ بیٹھ گیا۔اچانک اس کے پاس سے ایک نیلی تتلی گزری۔وہ انوکھی لگ رہی تھی اور جادوئی طریقے سے چمک رہی تھی۔طاہر اس کو پکڑنے کے لئے بھاگتے بھاگتے گھر کے پاس والے جنگل میں چلا گیا۔جب تتلی غائب ہو گئی تب اسے احساس ہوا کہ وہ گم ہو گیا ہے۔اچانک اس کا سر چکرانے لگا اور وہ بے ہوش ہو گیا۔جب وہ اُٹھا تو وہ جنگل پوری طرح بدل چکا تھا۔گھنے اور خوف ناک پیڑوں کی جگہ اب وہ خوبصورت اور رنگ برنگے درخت تھے۔جنگلی جانوروں کی آواز کی جگہ اب چڑیوں کی چہچہانے کی آواز آ رہی تھی۔
طاہر کے سامنے وہ تتلی دوبارہ نمودار ہوئی، لیکن وہ اب بول رہی تھی۔

(جاری ہے)

اس نے پہلے طاہر کو پریوں کے جہان میں خوش آمدید کہا، پھر وہ طاہر کو ایک جھیل کے کنارے لے گئی اور اسے تین بار انوکھا جنگل بولنے کو کہا۔ایسا کرنے پر ایک دم پانی سے کئی چھوٹی چھوٹی پریاں نمودار ہوئیں۔ہر پری نے طاہر کو ایک چھوٹی رنگ برنگی گولی دی۔ان سے طاہر جب چاہے کوئی بھی اپنی خواہش پوری کر سکتا تھا۔طاہر نے ان کا شکریہ ادا کیا۔تتلی اس کو واپس چھوڑ آئی۔اب طاہر جب بھی اس جنگل میں جاتا ہے تو اسے گھنے اور خوف ناک جنگل کے علاوہ کچھ بھی نظر نہیں آتا۔نہ رنگ برنگے درخت، نہ نیلی تتلی اور نہ وہاں وہ پریاں ہوتی ہیں۔