Hazrat Umar Farooq RA - Article No. 1691

حضرت عمر فاروق رضی اللہ تعالیٰ عنہ

حضرت ابو بکر صدیق رضی اللہ تعالیٰ عنہ کے وصال کے بعد حضرت عمر فاروق رضی اللہ تعالیٰ عنہ خلیفہ منتخب ہوئے ۔

منگل 24 مارچ 2020

Hazrat Umar Farooq RA
عائشہ کشف
حضرت ابو بکر صدیق رضی اللہ تعالیٰ عنہ کے وصال کے بعد حضرت عمر فاروق رضی اللہ تعالیٰ عنہ خلیفہ منتخب ہوئے ۔ان کا دور خلافت اسلامی فتوحات کا سنہری دور تھا۔ان کے دور میں شام، مصر،عراق اور ایران کے کئی علاقے فتح ہوئے ۔
انھوں نے اپنے عہد خلافت میں اسلامی حکومت کی حدود کو وسیع کیا۔
حضرت سیدنا عمر فاروق رضی اللہ تعالیٰ عنہ نے ایسا نظام ترتیب دیا جو آج تک پوری دنیا میں رائج ہے ۔انھوں نے سن ہجری کا آغاز کیا ،جیل کا تصور دیا،موٴذنوں کی تنخوا ہیں مقرر کیں ،مسجدوں میں روشنی کا بندوبست کیا ،پولیس کا محکمہ بنایا۔
دنیا میں پہلی بار دودھ پیتے بچوں، معذوروں ،بیواؤں اور بے آسراؤں کے وظیفے مقرر کیے۔فوجی چھاؤنیاں بنوائیں اور فوج کا باقاعدہ محکمہ قائم کیا اور بے انصافی کرنے والے ججوں کو سزا دینے کا سلسلہ بھی شروع کیا اور دنیا میں پہلی بار با اختیار لوگوں کا احتساب بھی شروع کیا۔

(جاری ہے)

حضرت عمر رضی اللہ تعالیٰ عنہ فرماتے تھے :”جو حکمران عدل کرتے ہیں،وہ راتوں کو بے خوف سوتے ہیں۔“
ان کا فرمان تھا کہ قوم کا سردار قوم کا سچا خادم ہوتاہے۔
ان کے دستر خوان پر کبھی دو سالن نہیں رکھے گئے۔
وہ زمین پر سر کے نیچے اینٹ رکھ کر سوجاتے تھے۔

ان کے کُرتے پر14پیوند تھے اور ان پیوندوں میں ایک سرخ چمڑے کا پیوند بھی تھا۔
وہ موٹا اور کھردرا کپڑا پہنتے تھے۔انھیں نرم اور باریک کپڑے پسند نہیں تھے۔
آپ رضی اللہ تعالیٰ عنہ جب کسی کو گورنر بناتے تھے تو اسے نصیحت فرماتے :”کبھی ترکی گھوڑے پر سوار نہ ہونا،باریک لباس نہ پہننا ،چھنا ہوا آٹا نہ کھانا،دربان نہ رکھنا اور کسی فریادی کے آنے پر دروازہ بند نہ کرنا۔

حضرت عمر رضی اللہ تعالیٰ عنہ کا یہ فقرہ آج بھی انسانی حقوق کے چارٹر کی حیثیت رکھتاہے:”مائیں بچوں کو آزاد پیدا کرتی ہیں ،تم نے کب سے انھیں غلام بنالیا۔“
وہ اسلامی دنیا کے پہلے خلیفہ تھے ،جنھیں امیر المومنین کا خطاب دیا گیا اور دنیا کے واحد حکمران تھے جو فرمایا کرتے تھے:”میرے دور میں اگر فرات کے کنارے کوئی کتا بھی بھوک سے مر گیا تو اس کی سزا مجھ کو بھگتنا ہو گی۔

حضرت عمر فاروق رضی اللہ تعالیٰ عنہ نے اپنے دور میں جس جس خطے میں اسلام کا جھنڈا لہرایا،وہاں سے آج بھی ”اللہ اکبر“کی صدائیں آتی ہیں ،وہاں آج بھی لوگ اللہ تعالیٰ کے سامنے سجدہ کرتے ہیں۔
ان کا بنایا ہوا نظام دنیا کے 245ممالک میں آج بھی کسی نہ کسی شکل میں موجود ہے ۔
آج بھی جب کسی ڈاک خانے سے کوئی خط نکلتاہے، پولیس کا کوئی سپاہی وردی پہنتاہے ۔کوئی فوجی جوان 4ماہ بعد چھٹی پر جاتاہے یا پھر حکومت کسی بچے ،معذور ،بیوہ یا بے آسرا شخص کو وظیفہ دیتی ہے تو وہ غیر ارادی طور پر حضرت عمر رضی اللہ تعالیٰ عنہ کو عظیم ترین حکمران تسلیم کرتی ہے ۔
حضرت عمر رضی اللہ تعالیٰ عنہ کے بارے میں مشرکین بھی اعتراف کرتے ہیں کہ اسلام میں اگر ایک عمر اور ہوتا تو آج دنیا بھر میں صرف دین اسلام ہی نافذ ہوتا۔

مزید اخلاقی کہانیاں

Naik Dil Pari

نیک دل پری

Naik Dil Pari

Gaon Ka Khawab

گاؤں کا خواب

Gaon Ka Khawab

Hamare Quaid

ہمارے قائد

Hamare Quaid

Ilm Ki Daulat

علم کی دولت

Ilm Ki Daulat

Shehzadoon Ka Imtehaan

شہزادوں کا امتحان

Shehzadoon Ka Imtehaan

Rone Nahi Doon Ga

رونے نہیں دوں گا

Rone Nahi Doon Ga

Shahi Musawir

شاہی مصور

Shahi Musawir

Foori Khbar

فوری خبر

Foori Khbar

Mano Kahan Gaye?

مانو کہاں گئی؟۔۔تحریر:مختار احمد

Mano Kahan Gaye?

Burhapay Ka Sahara

بڑھاپے کا سہارا

Burhapay Ka Sahara

Dada Abu Ki Kitaab

دادا ابو کی کتاب

Dada Abu Ki Kitaab

Saadi Ne Chirya Gher Dekha

سعدی نے چڑیا گھر دیکھا

Saadi Ne Chirya Gher Dekha

Your Thoughts and Comments