واٹر اینڈ سینی ٹیشن سروسز کمپنی ایبٹ آبادکی ٹیم نے عید کے دنوں میں 304ٹن آلائشیں او ر دیگر کوڑا کرکٹ ٹھکانے لگایا‘ترجمان

جمعہ 24 اگست 2018 22:30

ایبٹ آباد۔ (اُردو پوائنٹ اخبارتازہ ترین - اے پی پی۔ 24 اگست2018ء) واٹر اینڈ سینی ٹیشن سروسز کمپنی ایبٹ آباد(واسا) کی ٹیم نے عید کے دنوں میں ایبٹ آباد سے 304ٹن آلائشیں او ر دیگر کوڑا کرکٹ ٹھکانے لگائی ہیں۔ترجمان واسا عمر سواتی نے میڈیا کو بتایا کہ عید الاضحی کے موقع پرصفائی ستھرائی کو یقینی بنانے کے لئے باقاعدہ منصوبہ بندی کی گئی تھی اور مختلف مقامات پر آلائشیںپھینکنے کے لئی45مقامات مختص کئے گذے تھے۔

(جاری ہے)

انہوں نے مزید کہا کہ ہماری ٹیم نے قربانی کے جانوروں کی آلائشوں کے ساتھ ساتھ شہر بھر کی صفائی معمول کے مطابق کی۔واسا کی ٹیم نے آلائشیں اٹھانے کے ساتھ مقرر کردہ پوائنٹس پر چونا ڈال نے کے بعد شہر بھر میں مچھر مار سپرے بھی کیا ترجمان عمرسواتی کے مطابق 117افراد نے 15گاڑیوں سمیت آپریشن میں حصہ لیا اورشہریوں کی بھر پور تعاون سے بروقت آلائشیںاٹھا نے میں مدد ملی۔ شہریوں نے واسا کا ٹیلی فون کالز اور سوشل میڈیا کے ذریعے شکریہ بھی ادا کیا۔ڈپٹی کمشنر ایبٹ آباداور چیف ایگزیکٹیو آفیسر واسا نے سینی ٹیشن ٹیم کی کارکردگی کو سراہااور امید ظاہر کی کہ آئندہ بھی ٹیم اپنی بہترین کارکردگی سے ایبٹ آباد کو صاف رکھنے میں اپنا کردار ادا کرتے رہیں گے۔