پاکستان انسٹی ٹیوٹ آف ڈویلپمنٹ اکنامکس کے زیراہتمام ایک روزہ کانفرنس کا انعقاد

اسلام آباد (اُردو پوائنٹ اخبارتازہ ترین - اے پی پی۔ 19 مئی2024ء) پاکستان انسٹی ٹیوٹ آف ڈویلپمنٹ اکنامکس کی جانب سے پاکستان کی آٹوموبائل انڈسٹری کی بحالی کنزیومر ویلفیئر، گلوبل انٹیگریشن اور پائیدار نقل و حرکت کی طرف بڑھناکے عنوان سے ایک روزہ کانفرنس کا انعقاد کیا گیا۔اتوار کو جاری پریس ریلیز کے مطابق کانفرنس میں پاکستان میں آٹوموبائل کمپنیوں کے نمائندوں، آٹوموبائل پارٹس مینوفیکچررز، پالیسی سازوں اور ماہرین تعلیم نے شرکت کی۔

شرکاء نے پاکستان میں آٹوموبائل انڈسٹری کے مسائل اور مستقبل کے نقطہ نظر کے بارے میں اپنے تجربے اور معلومات کا تبادلہ کیا۔کانفرنس میں مقامی یونیورسٹیوں کے طلباء کی بھی بڑی تعداد نے شرکت کی۔کانفرنس میں بحث تین ذیلی موضوعات پر مرکوز تھی جن میں لوکلائزیشن کا جنون اور سپلائی چین کی رکاوٹیں، پالیسی، اصلاحات، صنعت کی ترقی، بجلی اور نقل و حرکت کا مستقبل شامل ہیںماہرین کی طرف سے تمام موضوعات پر وسیع اور گہرائی سے تجزیہ اور آراء کا تبادلہ کیا گیا جبکہ طلباء نے بھی بحث کے سیشن میں بڑھ چڑھ کر حصہ لیا۔

(جاری ہے)

ڈاکٹر ندیم الحق وائس چانسلر پاکستان انسٹی ٹیوٹ آف ڈویلپمنٹ اکنامکس (PIDE) نے کہاکہ کانفرنس کا بنیادی ایجنڈا یہ دریافت کرنا ہے کہ پاکستان کی آٹوموبائل انڈسٹری کیوں ترقی نہیں کر رہی ہے اور اس کے حل کے لیے حکمت عملیوں پر تبادلہ خیال کرنا ہے۔ہمارے ادارے کا مقصد پاکستان کی معاشی خوشحالی ہے اور یہ کانفرنس آٹوموبائل سیکٹر پر توجہ دے کر اس کے حصول کی طرف ایک قدم ہے۔

انہوں نے مزید کہا کہ جن اہم مسائل کو حل کرنا ہے ان میں آٹوموبائل انڈسٹری سے برآمدات کی کمی، ہائبرڈز اور ای وی کے تاخیر سے متعارف ہونے کی وجوہات، تحقیق اور ترقی کے حوالے سے صنعت کا مستقبل شامل ہیں۔50 سے 70 سال کے تحفظ کے باوجود یہ شعبہ برآمد کرنے میں ناکام رہا ہے جو کہ ملک کے معاشی بحران کے پیش نظر اہم تشویش ہے۔ڈاکٹر ندیم نے PIDE کی کوششوں کی تعریف کرتے ہوئے اپنے تبصرے کا اختتام ہمیشہ نئے اقدام کو آگے بڑھانے کے لیے کیا، جس کا مقصد تحقیق کرنا اور اہم موضوعات پر بحث کی حوصلہ افزائی کرنا ہے کیونکہ مقصد حقیقی، نتیجہ خیز گفتگو کو فروغ دینا تھا جو اس شعبے کی ترقی اور انضمام کے لیے قابل عمل نتائج کا باعث بنتے ہیں۔

بعد ازاں، PIDE ٹیم نے پاکستان میں آٹوموبائل انڈسٹری کی حالت اور مستقبل کے نقطہ نظر پر اپنی جاری تحقیق کے نتائج پیش کئے۔کانفرنس میں PIDE ٹیم کی طرف سے پاکستان میں الیکٹرک گاڑیوں کی صلاحیت کے ساتھ ساتھ ان کو اپنانے میں درپیش چیلنجز پر توجہ مرکوز کرنے والی دوسری پریزنٹیشن بھی پیش کی گئی۔شرکاء نے PIDE کی جانب سے کیے گئے کام اور پاکستان میں آٹوموبائل انڈسٹری کی بحالی کے لیےمتفقہ اصلاحاتی منصوبے کی ترقی اور فروغ کے لیے تمام اسٹیک ہولڈرز کو اکٹھا کرنے کی تنظیم کی کوششوں کو بھی سراہا۔