آئی جی اسلام آباد کی پولیس افسران کیساتھ ملاقات

اچھی ڈیوٹی سر انجام دینے پر پولیس افسران کو شاباش دی اور تعریفی اسناد سے نوازا

منگل 30 اپریل 2024 22:39

اسلام آباد(اُردو پوائنٹ اخبارتازہ ترین - این این آئی۔ 30 اپریل2024ء) آئی جی اسلام آباد سید علی ناصر رضوی نے "نشہ اب نہیں "تحریک کے تحت منشیات فروشوں کے خلاف بہترین کارکردگی کا مظاہرہ کرنے والے پولیس افسران کے ساتھ ملاقات کرکے اچھی ڈیوٹی سر انجام دینے پر پولیس افسران کو شاباش دی اور تعریفی اسناد سے نوازا۔

(جاری ہے)

تفصیلات کے مطابق انسپکٹر جنرل آف پولیس اسلام آباد سید علی ناصر رضوی کے خصوصی احکامات پر وفاقی دارلحکومت اسلام آباد میں منشیات کے خلاف "نشہ !اب نہیں"تحریک جاری ہے،اسلام آباد پولیس کے افسران شہریوں کوآگاہی دینے کے ساتھ منشیات فروشوں کے خلاف بھرپور کارروائیاں عمل میں لا رہیں ہیں،اس سلسلہ میں آئی جی اسلام آباد نے منشیات فروشوں کے خلاف بہترین کارکردگی کا مظاہرہ کرنے والے پولیس افسران کے ساتھ سنٹرل پولیس آفس اسلا م آباد میں ملاقات کی ،انہوں نے اچھی ڈیوٹی سر انجام دینے پر پولیس افسران کو شاباش دی اور تعریفی اسناد سے نوازا،انہوں نے کہا کہ تمام پولیس افسران منشیات کے انسداد کے لئے اپنی کوششوں میں تیزی لائیں اور وفاقی دارلحکومت کو منشیات سے پاک شہر بنائیں۔