کتابوں کی اہمیت اور کتب بینی کے فوائد مسلم ہیں،قوموں کی زندگی اصل میں کتب بینی میں ہے،ایس پی قلات

جمعرات 10 اگست 2023 20:35

قلات(اُردو پوائنٹ اخبارتازہ ترین - این این آئی۔ 10 اگست2023ء) ایس پی قلات دوستین دشتی نے کہا ہے کہ کتابوں کی اہمیت اور کتب بینی کے فوائد مسلم ہیں۔قوموں کی زندگی اصل میں کتب بینی میں ہے۔ ان خیالات کا اظہار انہوں نے قلات پبلک لائبریری کے دورے کے موقع پر کیا۔ اس موقع پر ڈی ایس پی قلات منظور احمد مینگل بھی ان کے ہمراہ تھے۔ اس موقع پر جہانزیب مینگل نے لائبریری کے حوالے سے انہیں تفصیلی بریفننگ دی اور مسائل سے آگاہ کیا۔

ایس پی قلات دوستین دشتی نے لائبریری عملے کی کارکردگی کو سراہتے ہوئے کہا کہ لائبریری کی سیٹنگ اور تزین وا آرائش کیلیے منتظمین داد کے مستحق ہیں انہوں نے کہا کہ میری ذاتی کوشش ہے کہ لائبریری کو سہولیات کی فراہمی یقینی بنائی جائے۔ انہوں نے لائبریری کے منتظمین کو کتب کا تحفہ بھی دیا۔

(جاری ہے)

انہوں نے دیگر کتب کی ایک فہرست حاصل کرلی اور یقین دہانی کروائی کہ وہ مزید کتب بھی عطیہ کریں گے۔

ایس پی قلات دوستین دشتی نے لائبریری کی تزئین و آرائش، گیٹ کی تنصیب سائیکل اسٹینڈ اور دیگر سہولیات کی فراہمی کی یقین دہانی کروائی۔ انہوں نے کہا کہ ہم چاہتے ہیں کہ یہ لائبریری سراپا انتخاب ہوں اور ہر ذائقے کے قارئین کیلیے وسیلہ ہو۔ بعد ازاں لائبریری کے جہانزیب مینگل نے انکا شکریہ ادا کیا اور اس امید کا اظہار کیا کہ وہ آئندہ بھی اسی طرح لائبریری کے مسائل کے حل کیلیے اقدامات اٹھائیں گے۔