لاہور پولیس کی شہید کانسٹیبل محمد افضل کی قبر پر حاضری،سلامی پیش کی

جمعرات 16 مئی 2024 16:33

لاہور (اُردو پوائنٹ اخبارتازہ ترین - اے پی پی۔ 16 مئی2024ء) سی سی پی او لاہور بلال صدیق کمیانہ کی ہدایت پر لاہور پولیس کے شہدا کی بے مثال قربانیوں کوخراج تحسین پیش کرنے کا سلسلہ جاری ہے۔ ترجمان پولیس کے مطابق اس ضمن میں لاہور پولیس کی گارڈ نے شہید کانسٹیبل محمد افضل کی برسی پر قبر پر حاضری دی۔پولیس کے چاق و چوبند دستے نے شہید کی قبرکو سلامی پیش کی، پھولوں کی چادر چڑھائی اور فاتحہ خوانی کی۔

اس موقع پر فرض کی راہ میں جام شہادت نوش کرنے والے پولیس افسران اور جوانوں کی لازوال قربانیوں کو خراج تحسین پیش کیا گیا۔

(جاری ہے)

شہید کانسٹیبل محمد افضل16مئی 1994 میں تھانہ گجر پورہ تعیناتی کے دوران شرپسند عناصر کی فائرنگ کے نتیجے میں شہادت کے منصب پر فائز ہوئے تھے۔کیپٹل سٹی پولیس آفیسر بلال صدیق کمیانہ نے شہید کانسٹیبل محمد افضل کی برسی پر اپنے پیغام میں کہا کہ شہدائے پولیس ہمارا فخر ہیں۔

فرض کی راہ میں جانیں قربان کرنیوالے شہدا محکمے کی شان ہیں۔ ان بہادر سپوتوں نے اپنے آج کو وطن ِ عزیز پر قربان کر کے ہمارے کل کو محفوظ بنایا ہے۔انہوں نے کہا کہ محکمہ پولیس شہدا کی قربانیاں کبھی فراموش نہیں کرے گا۔انہوں نے کہا کہ شہدا کی جرت اور بہادری کی داستانیں پوری فورس کیلئے مشعل راہ ہیں۔